Burela, 22 de abril de 2014. O Concello desenvolve durante o segundo trimestre deste 2014 diversos obradoiros gratuítos prelaborais para os participantes na bolsa de emprego municipal.
O primeiro taller tivo lugar este martes. Denominado “Preparación de oposicións. Emprego público”, foi impartido por persoal da Capitanía Marítima de Burela. O concelleiro de Emprego, José Casas, explicou que “tivo por obxectivo achegar o mundo do emprego público aos demandantes de emprego de Burela”.
O vindeiro martes, 29 de abril, de 10 a 12 horas desenvolverase un curso sobre Claves de busca de emprego, que terá coma finalidade aprender a planificar a busca de emprego máis efectiva: autocoñecemento e marca persoa, coñecemento do mercado laboral e oportunidades de emprego, coñecemento das funcionalidades do SPE.
Xa en maio, o día 8, de 10 a 12 horas terá lugar un obradoiro sobre Emprego en internet, co obxectivo de extraer o máximo proveito da rede para a busca de emprego. No mesmo abordaranse cuestións coma: formas de buscar emprego en internet, ferramentas de xestión da axenda de busca de emprego, redes sociais e webs de emprego.
O 9 de maio o Videocurrículum: a mellor tarxeta de presentación é o título do taller que se celebrará ese día de 10 a 12 da mañá co fin de coñecer as posibilidades desta ferramenta como inserción laboral. No mesmo abordaranse aspectos como en qué consiste un videocurrículum, guión e marca persoal, edición e postprodución e difusión.
Por último, o 15 de maio e no mesmo horario de 10 a 12 da mañá impartirase o taller Entrevistas de traballo exprés para incrementar os recursos persoais en entrevistas de traballo. Entre os contidos que se analizarán figuran: estilos de afrontar entrevistas, preguntas frecuentes e prácticas.
Os interesados en acudir a estes obradoiros poden dirixise ao departamento de Emprego, a través da Bolsa de Emprego, do Concello de Burela, que está situado no nº 5 da praza da Mariña (edificio praza de abastos), na 1ª pranta.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
