LUGO .- A vela, o surf, o volei praia e o fútbol praia serán protagonistas nas tardes de verán na comarca da Mariña da man do Club Náutico Burela, o Club Voleibol Emevé, o Club Fútbol Sala Pescados Rubén dentro do programa “Lánzate ao Verán” da área de Deportes da Deputación. O responsable desta delegación, o nacionalista Antonio Veiga, presentou o programaque se desnrolará en colaboración con diversas entidades deportivas da Mariña, Lugo e Monforte de Lemos
As actividades de volei e fútbol praia desenvolveranse nos concellos de Cervo (San Cibrao) e en Barreiros. O resto, na localidade de Burela.
Nota de Prensa
PRESENTADO O PROGRAMA DE ACTIVIDADES DEPORTIVAS PARA O PERÍODO ESTIVAL “LÁNZATE AO VERÁN”
Por segundo ano consecutivo, as comarcas da Mariña, Lugo e Monforte de Lemos acollerán un amplo abano de actividades deportivas durante a segunda quincena de xullo e a primeira de agosto
LUGO, 14 de xullo de 2009. O delegado a Área de Deportes da Deputación, Antonio Veiga, presentou este mércores o programa de actividades para o tempo de lecer “Lánzate ao Verán” que organiza esta institución en colaboración con diversas entidades deportivas da Mariña, Lugo e Monforte de Lemos e que se desenvolverán durante a segunda quincena do mes de xullo e a primeira de agosto. O nacionalista salientou que este é o segundo ano que área que el dirixe pon en marcha un proxecto destas características. Na súa primeira edición, no verán de 2008, participaron, de xeito totalmente gratuíto, uns 5.000 mozos e mozas pertencentes ás tres comarcas nas que se desenvolve esta iniciativa en prol da práctica do deporte entre o sector máis novo da poboación lucense.
A vela, o surf, o volei praia e o fútbol praia serán protagonistas nas tardes de verán na comarca da Mariña da man do Club Náutico Burela, o Club Voleibol Emevé, o Club Fútbol Sala Pescados Rubén. As actividades de volei e fútbol praia desenvolveranse nos concellos de Cervo (San Cibrao) e en Barreiros. O resto, na localidade de Burela. Xa na comarca de Lugo, a Escola de Piragüismo acollerá un curso de vela, de piragüismo e de triatlón baixo a supervisión do Club Náutico Burela, o Club Cidade de Lugo e a Federación Galega de Triatlón, respectivamente. Pola súa banda, o Pazo Provincia dos Deportes, será o escenario elixido para pór en marcha un curso de iniciación á loita que conta coa colaboración de varios dos membros do Club Loita de Vilalba e outro curso de rocódromo da man do Club O Veral. Esta última actividade, a diferenza do resto, desenvolverase só durante todos os sábados do mes de xullo e agosto. Por último, na comarca de Lemos, o Pavillón Municipal A Pinguela acollerá unha actividade de piragüismo e outra de volei praia organizadas polos Clubs de Piragüismo de Quixos e A Pinguela, respectivamente. O colexio Calasancio de Monforte será o espazo elixido polo Club Deportiva Calasacio para pór en marcha un curso de porteiro de fútbol que se desenvolverá entre o 3 e o 14 de agosto ao igual ca o curso de volei praia antes mencionado.
O prazo de inscrición no programa “Lánzate ao verán” continuará aberto ata o día anterior ao comezo de cada unha das actividades. Para obter máis información, os interesados poder acceder á páxina web da Vicepresidencia Primeira da Deputación de Lugo ou chamar ao 982 260 061.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
