Lugo, 11 de xullo de 2014. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, informou na rolda de prensa posterior á Xunta de Goberno da institución provincial que veñen de aprobarse as bases que rexerán no concurso para a concesión demanial do ben de dominio público denominado “Centro de Turismo Activo Ribeira Sacra”, na zona de Augas Mestas, da que a Deputación se fará cargo da zona de piscinas, cámping, aloxamentos de inverno e instalacións comúns. O prazo máximo de concesión será de 25 anos e o canon mínimo de licitación será de 18.000 euros anuais.
Estamos ante unha nova aposta da Vicepresidencia da Deputación de Lugo nun dos sectores con máis futuro da provincia: o turismo. Pero a área de Turismo da Deputación non aposta por calquera tipo de turismo, aposta por un turismo de calidade vinculado á cultura e ao medio ambiente. Un turismo sostible, non masificado, que protexa entornos como a Ribeira Sacra ou a Praia das Catedrais. De feito, o compromiso da Deputación coa Ribeira Sacra materializase en inversións económicas de distinta índole así como na petición de declaración de Patrimonio da Humanidade para esta contorna, xa respaldada polo Senado e o Valedor do Pobo, que significaría o despegue definitivo e protección da mesma, na que se ven implicados trece concellos lucenses.
No caso da praia das Catedrais, estamos a falar dun entorno ameazado pola masificación, xa que se ten convertido no segundo destino singular máis coñecido e visitado de Galiza, só por detrás da Catedral de Santiago. Neste sentido, Antonio Veiga fixo fincapé “na necesidade de compatibilizar esa masificación que sofre o areal ribadense coa necesaria protección do areal e da súa contorna natural é necesario protexer e conservar a praia das Catedrais, senón corremos o risco de matar a galiña dos ovos de ouro”.
“Isto é o que levamos tempo reclamando dende a Deputación e dende o Concello de Ribadeo. Urxe un plan de xestión para as Catedrais que evite danos no entorno por mor da masificación de visitantes. Pero a Xunta, que é quen ten as competencias por ser Rede Natura, mirou sempre para outro lado e agora, en plena campaña de verán sae cun anuncio sen concreción algunha por parte de Feijóo co único obxectivo de que non lle chovan máis críticas pola súa pasividade”, sentenciou Veiga.
Así mesmo, o vicepresidente da Deputación referiuse ao acordo da Xunta presentado onte como “unha cativa reacción da Xunta no cumprimento das súas obrigas con respecto ao que as normas ambientais galegas lle obrigan a facer e que se viña incumprindo dende fai 10 anos. Hai que recordar que As Catedrais foi declarado monumento natural en setembro de 2003”.
“Se o esforzo da Xunta para este ano vai limitarse a poñer catro cintas de obra para que a xente non se asome aos cantís, para que non haxa un accidente grave, ou non pise fóra dos sendeiros para non destrozar a flora existente, pouca cousa é, porque non vai resolver os problemas de aparcadoiro nin o deterioro do areal”, explicou Veiga.
Neste sentido, a Vicepresidencia da Deputación de Lugo esixe a Declaración coma Parque Natural para a franxa litoral de Ribadeo que permita desconxestionar as Catedrais da súa presión turística ofrecendo alternativas para todo ese fluxo de turistas atraídos pola especial natureza desta costa.
“Queremos saber en que se vai concretar este plan anunciado onte por Feijóo pero que non explicou. Cantos cartos vai poñer a Xunta e para que. Queremos saber cales son os compromisos reais da Xunta para lograr que As Catedrais sigan a ser un motor económico e un motor do turismo para toda a comarca da Mariña” – concluíu Veiga.
A día de hoxe a Deputación está a ser a única institución á marxe do Concello de Ribadeo que aposta polo coidado, conservación e potenciación deste enclave natural, e faino a través dun convenio que contempla un programa de Atención ao Visitante e Mantemento do punto de información turística nas Catedrais, apoio ás actividades culturais e turísticas organizadas polo Concello de Ribadeo, o bus turístico, o mantemento e coidado do areal e a difusión do valor ecolóxico das Catedrais. A institución provincial dedicou o ano pasado a esta colaboración co Concello de Ribadeo 80.000 euros, e ten previsto manter esa axuda este ano.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
