BURELA (FNC) .- O luns 27 de xullo no pleno ordinario que se celebrará no Concello de Burela a partires das oito da tarde someteranse a aprobación as alegacións que se presentarán diante do Ministerio de Fomento solicitando o cambio de trazado para a autovía Barreiros-San Cibrao. O alcalde, Alfredo Llano, insiste na necesidade de que “ese corredor pase o máis ó sur posible do noso concello e que non dañe a nosa estrutura de crecemento”. O rexedor sinala que “OTEA, a empresa que contratamos para elaborar o plan xeral, tamén fixo un informe moi completo e no que se demostra que a mellor opción desde os puntos de vista medioambiental e económico é a que debe ir ó sur de Burela, porque é a que menos lle afecta ao noso concello e garda certa coherencia, certa cohesión co resto do trazado. Este informe de OTEA terémolo en conta para enviar as nosas alegacións, aquí van recollidas tamén as aportacións realizadas por veciños e outros colectivos que apoian as nosas demandas”.
Mañá xoves haberá unha nova xuntanza ás oito da tarde para consensuar as alegacións definitivas que se someterán a aprobación no pleno do luns “e para que aqueles que queiran aportar algunha cousa máis teñan a súa oportunidade. O documento conxunto que enviaremos a Fomento será suficiente para que se teñan en conta as nosas peticións”.
Na sesión plenario do luns tamén se someterá a aprobación definitiva a conta xeral do exercizo de 2008.
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
