NOTA DE PRENSA
O Diario Oficial de Galicia publicaba no día de onte unha resolución do 2 de xullo de 2009 polo que se procedía a encargar á UTE Cortizo, Ovisa e construcciones Hispánica as obras de construción da Vía de Alta Capacidade Costa Norte, entre Celeiro e San Cibrao.
ISMAEL REGO MANTÉN A SÚA ESTRATEXIA DE DESINFORMACIÓN E ENGANO E CONFUNDE DELIBERADAMENTE A PUBLICACIÓN NO DOGA COA ADXUDICACIÓN DEFINITIVA DO CORREDOR
• En menos de 100 días o novo Goberno da Xunta procedeu á adxudicación definitiva do primeiro treito do corredor na provincia de Lugo, mentres que na pasada lexislatura non se adxudicou definitivamente ningún so metro de corredor na nosa provincia.
• Balseiro lamenta que as liortas internas do PSOE traian consigo a falta de rigor coa que falaban os deputados socialistas cando viñan a reclamar a adxudicación dun contrato que xa estaba feita.
A Mariña, 22 de xullo de 2009.- Nun intento desesperado por disimular a falta de rigor e desinformación na que incorreron o deputado socialista Ismael Rego e o voceiro de infraestruturas do Grupo Parlamentario do PSOE, Pablo López Vidal, o primeiro deles saíu no día de onte aos medios de comunicación para confundir deliberadamente o feito da publicación no DOGA co acto de adxudicación definitiva das primeiras obras da Via de Alta Capacidade na nosa provincia. Jose Manuel Balseiro Orol lembra que ambos deputados socialistas pediron, na pasada semana, a adxudicación dun contrato que xa estaba realizada, co único obxecto de enganar á xente e quitar valor a un dato histórico: Antes dos cen primeiros días de Goberno, o PP xa fixo máis que o PSOE en toda a lexislatura pasada, pois procedeu a encargar á UTE Cortizo, Ovisa e construcións Hispánica, a construción do primeiro treito desta vía de alta capacidade na provincia de Lugo, isto é, o tramo Celeiro San Ciprián.
Balseiro lamenta que Ismael Rego como responsable político que é, antes de ter enganado á xente, e realizado afirmacións falsas e manipuladas, non tivera empregado as atribucións que posúe como parlamentario para interesarse pola situación administrativa do corredor. “En todo caso, o que está moi claro é que o PP non ten culpa da situación interna que está a sufrir o Partido Socialista, e máis en concreto, que uns deputados socialistas non se falen con outros”, tal e como demostra o feito de que Rego non coñecera os datos sobre a adxudicación do corredor, a pesar de que unha compañeira súa, a deputada Caride, foi na pasada lexislatura a consellería de Política Territorial e, polo tanto a persoa que podía darlles esta información.
IGNORANCIA DO PSOE RESPECTO DA MARIÑA
Balseiro cree que unha vez máis Rego está a facer gala da súa ignorancia respecto dos asuntos relacionados coa Mariña lucense, á vez que pon de relevo a falta de rigor coa que actúa no exercicio da súa función pública. Neste senso subliña que os datos ofrecidos polo propio Balseiro sobre as datas de adxudicación provisional (1/03/2009) e definitiva (11/06/2009) desta obra, son froito do traballo e do interese que PP ten respecto de todo o relacionado coa Mariña e, máis en concreto, respecto desta infraestrutura tan importante. ”É por iso que emprazo ao señor Rego a desmentilos, algo que teño a total seguridade, non será capaz de facer”.
O PSOE RECLAMABA ALGO XA FEITO
Finalmente desde o PP lembran un dato moi significativo, mentres que os deputados socialistas Ismael Rego e Pablo López Vidal reclamaban a adxudicación das obras do treito San Ciprián Celeiro en rolda de prensa o pasado 15 de xullo de 2009, a publicación no día de onte no DOGA desta adxudicación provisional, fai referencia a que esta estaba decidida moito antes, “en concreto por Resolución da Secretaria Xeral da Consellería de Medio Ambiente, Territorio e Infraestruturas, do 2 de xullo de 2009, trece días antes. É máis se tomamos como base a data de adxudicación provisional deste treito podemos afirmar que desde o PSOE estaban a reclamar algo que xa se efectuou catro meses antes da data na que o estaban a pedir (1/03/2009), mostra inequívoca, xa digo, da súa falta de rigor”.
O parlamentario popular conclúe afirmando que, cun Goberno do PP, o corredor deixará de ser, por fin, unha infraestrutura virtual.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
