O grupo municipal nacionalista presenta no pleno deste luns unha moción na que insta o Goberno municipal para que rexistre e active o enderezo www.xove.gal nos prazos establecidos pola asociación que xestiona o dominio galego.
No marco da actual sociedade da información: o que non está na internet non existe. A comunidade galega no mundo xa goza dunha marca propia coa que identificar todos os contidos que xeramos na Rede. O .gal é o dominio que nos corresponde como país con fortes vencellos lingüísticos, culturais, históricos e sociais. Unha especie de sufixo co que identificamos na internet as páxinas escritas en galego e que se dirixen á sociedade galega nas súas comunicacións en liña que, tendo en conta a nosa dispersión no mundo, non se circunscribe a un ámbito territorial concreto.
Marco López, voceiro nacionalista no Concello de Xove, manifestou que o BNG solicitará hoxe a migración da páxina web do Concello cara ao .gal e resaltou que «O dominio é xestionado pola Asociación PuntoGal e os ingresos económicos que se producen pola súa actividade serven para o mantemento da propia actividade e, no caso de producírense beneficios, estes son investidos no fomento da lingua e cultura galega dentro do ámbito das novas tecnoloxías».
Unha vez rematada a fase previa denominada Programa Pioneiros, que permitiu poñer na Rede un grupo reducido e significativo de dominios o pasado 25 de xullo, Día Nacional de Galicia; agora dáse paso á Fase de Lanzamento, na que se abre o período coñecido como Abrente ou Sunrise que permitirá que aquelas entidades tanto públicas como privadas poidan exercer o seu dereito preferente de solicitar un dominio. Esta fase desenvolverase entre os meses de setembro e novembro e, simultaneamente ao Abrente, desenvolverase o proceso de Carreira ou Landrush no que aqueles interesados en dominios sen prioridade de especial interese poderán ter a súa oportunidade de solicitalo. Finalmente o proceso rematará coa Fase Aberta na que, tal e como o seu nome indica, se abrirá o rexistro libre de dominios para o público xeral e que comezará a funcionar arredor de decembro.
Deste xeito hai que facer fincapé en que, máis alá dun beneficio económico (porque o dominio e as web .gal tributarán en Galiza), este paso suporá unha maior proxección no eido dixital e servirá para que o noso país se vexa no mundo. Os pioneiros tiveron que pagar máis polo seu dominio: 300 euros as asociacións, 1.000 as administracións e 3.000 as empresas. Deste xeito a Asociación PuntoGal puido recaudar o diñeiro suficiente para garantir a súa independencia coa finalidade de lanzar as seguintes fases a un prezo normal, aínda por publicar, a partir de setembro.
Por todo isto, o grupo nacionalista no Concello de Xove pedirálle hoxe ao Pleno da Corporación municipal a adopción dun acordo que tamén inste o Executivo municipal para que estabeleza un plan local de promoción entre as diferentes entidades e asociacións locais co obxecto de que comecen a mudar as súas páxinas web cara ao .gal, incluindo o preceptivo asesoramento para a migración de todos estes enderezos cara a este novo dominio que nos identifica como país. E, asemade, que o Goberno local xestione unha liña extraordinaria de axudas destinadas a estas entidades e asociacións municipais para faceren fronte á tarifa da Asociación PuntoGal que se publicará como “prezo normal” ao longo do vindeiro mes de setembro.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
