Pasados quince días de agosto, na recta final do verán 2014, despois dunhas merecidas vacacións e agardando as festas patronais, chega o outono e con el o regreso á casa e ó traballo. Veciños e Concello, volvemos á normalidade.
Dando un paseo polo noso pobo podemos comprobar o barullo da xente, o abarrote das rúas peonís, da Avda. de Asturias e Galicia, o tráfico, … Movemento, beneficio para comerciantes, hostaleiros e o sector servizos en xeral, algo distinto ao resto do ano, pero… ¿Onde está o noso Equipo de Goberno, a maioría do BNG e, máis concretamente, o edil de medio ambiente; é dicir, o responsable da limpeza de Ribadeo?
Toda esta xente trae consigo a adopción de medidas excepcionais para seguir mantendo a Ribadeo nunhas condicións de limpeza e salubridade mínimas. ¿Réganse as rúas aínda que só sexan as peonís? A resposta é afirmativa pero só cando chove: “a natureza é moi sabia”.
As Catedrais e pouco máis no verán. Iso é o que lle preocupa ao Goberno de Ribadeo; pero con respecto á limpeza do resto do pobo, pouco, por non dicir nada.
O turismo é o que se pretende fixar, dándolle calidade e diversidade, tema no que coxea o Goberno local. Moito reclamar á Xunta de Galicia, moito mobilizar xente para que se oian as súas reivindicacións, pero os deberes fundamentais de calidade, limpeza e salubridade sen facer.
A Ruta das Praias ribadenses é un auténtico camiño de cabras; reclamei en numerosas ocasións o seu arranxo e a única resposta que obtiven foi o silencio.
A cala de Coto, en A Devesa, onde o mar e as súas embestidas danaron a estrada é outro exemplo. Reclamouse con asiduidade o seu arranxo, ao final chegou pero gracias a Costas e ao Estado.
Cumpran co seu traballo, cobran por iso, manteñan a Ribadeo limpo e digno como se merece, esquézanse de reclamar tanto aos demais e fagan os seus deberes porque a climatoloxía é incontrolable e non sempre está ao servizo dos nosos desexos, malia repito, “é sabia”.
Ribadenses e visitantes, rematen felices as vacacións de agosto, celebren unha feliz Patroa, xa en setembro, antes de retomar a rutina e as costumes da nova estación.
Jesús López Penabad
Presidente do PP de Ribadeo.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
