BURELA (FNC) .- O alcalde de Burela, Alfredo Llano, atópase satisfeito trala aprobación por unanimidade no pleno de onte das alegacións que o Concello presenta contra o trazado da autovía Barreiros-San Cibrao, previsto por Fomento. O rexedor arremeteu tamén contra o voceiro do PP pola falla de respecto que amosou na sesión.
Alfredo Llano explicou que “neste pleno ordinario, que correspondía facer o xoves día 30, pero que adiantamos básicamente para que entraran a tempo as alegacións que vamos presentar en conxunto a Fomento sobre o trazado do corredor, o punto fundamental era a aprobación das alegacións relativas ó estudio informativo da autovía Barreiros-San Cibrao. Todo este procedemento estívose facendo durante todo este mes e foi levado a cabo por unha comisión onde estaban representados os tres grupos políticos do Concello de Burela, a asociación de veciños O Vencello, a comunidade de montes, particulares e asociación culturais. Durante este tempo o fóronse elaborando as alegacións ben razonadas con informes técnicos, de tal maneira que, hoxe mesmo pola mañá, xa as enviamos para que cheguen en prazo a Fomento e desta maneira esquecernos do que é o seu trámite. Agora hai que agardar a resposta e seguir tramitando cousas, buscando apoios e seguir xustificándonos para que a autovía pase por onde nós consideramos que é mellor para Burela, que é que canto máis ó sur mellor”.
O rexedor dixo que “o pleno de onte tratou básicamente ese punto e aprobación da conta xeral do exercicio 2008 que foi para adiante cos votos do equipo de goberno e a abstención do Partido Popular. O punto das alegacións foi aprobado por unanimidade por tódolos integrantes como era normal e o único que houbo aquí foron uns comentarios excesivos que fixo o PP sobre a tramitaicón das alegacións para non dicir absolutamente nada, só se limitaron a dicir que se eles fixeran máis que ninguén, dando a entender que todo esto saira adiante grazas á súa intervención, cando o que se fixo sempre foi a través dunha comisión sen tratar de gañar puntos nin facer unha valoración para que un se leve as dez últimas nin moito menos”.
Llano seguiu a relatar que “todo o mundo se comprometeu a traballar ó unísono e co compromiso de facelo para todos que era do que se trataba, de traballar para o pobo, sen tartar de conseguir méritos nin venderse como se fosemos aquí supermans, cando o que había que facer era ser coherentes e estar dentro do grupo e tratar de facer as cousas en conxunto que é o que se pretendía”.
O alcalde engadiu que “foi un pleno no que se trataron varias mocións, nunha delas que foi proposta polo goberno municipal foi a de implicar a Xunta de Galicia para que envíen informes favorecendo o trazado que nosoutros propoñemos, tamén se viron dúas mocións sobre a mellora do parque e as instalación deportivas e outra relativa a que se presuposte para o ano que vén algún tema derivado do medio ambiente e de Costas”.
Llano destacou que “houbo algunha cuestión extraordinariamente rara que non debe aparecer para nada nun órgano de máxima importancia como é un pleno. O portavoz do Partido Popular estivo sempre dunha maneira moi pouco respectuosa co pleno, non gardando a vez para falar, tentando impoñer a súa voz diante do propio alcalde, tratando de levar dunha maneira irrespectuosa a sesión. Todo esto nos pareceu moi preocupante, que se veña facendo eso nos plenos dándolle unha connotación ós plenos que non lles corresponden. O pleno é un órgano colexiado de máxima importancia que ten moito respecto e creo que non nos gustou a forma de proceder do portavoz do grupo popular cunhas claras manifestacións, sen gardar ás veces, nin siquiera as formas á hora de falar, así llo fixen entender, que desa maneira non pode seguir”.
O alcalde de Burela ve falla de respecto do portavoz do PP ao pleno que aprobaou alegacións a autovía
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
