BURELA (FNC) .- A concelleira de Educación e Medio Ambiente, Lucía Bouza, anunciou esta mañá que o Concello xa está a traballar na que será a terceira edición da Semana Europea da Movilidade. A edil explicou que “xa estamos preparando a Semana Europea da Mobilidade que vai ter lugar do 16 ao 22 de setembro, xornada na que se conmemora o día europeo sen coches. Vímolo celebrando dende hai tres anos, o primeiro só celebramos o día sen coches, o segundo xa celebramos toda a semana e nesta ocasión tamén será así”.
Lucía Bouza destacou que “este traballo que vimos facendo ven sendo recoñecido pola organización, xa que no informe que nos remitiron con respecto ás actividades que se fixeron o ano pasado, Burela vén como concello destacado, esto é importante porque en toda Galicia o único núcleo de menos de 10.000 habitantes que aparece como municipio destacado é Burela. Esto é sen dúbida algo que nos fai traballar con máis ganas aínda de cara ao futuro”.
A responsable de Educación e Medio Ambiente lembrou que “o ano pasado realizamos un montón de actividades que serven para incentivar a usar menos o coche ou polo menos a plantexarnos esa idea. Normalmente esas actividades adoitan ter gran importancia entre o público infantil, son os máis participativos, e este ano vamos a centrarnos no público máis novo pero tamén imos realizar actividades para adultos”.
A concelleira engadiu que “interesa moito seguir celebrando esta semana, posto que non só hai que ter en conta as actividades que se realizan, senón que para adherirnos a este programa, sempre temos que presentar un listado de medidas permanentes que son as que quedan aí, para sempre, e as que fan que o pobo vaia mellorando pouco a pouco. Este ano as medidas permanentes que vamos presentar estámolas estudando agora e van ter que ver coa mellora de infraestruturas, referímonos á rebaixa de beirarrúas para favorecer a accesibilidade e todo este tipo de cousas. Tamén estamos estudando algunha campaña para facer un uso responsable do coche con cursos de conducción eficiente que este ano xa fixemos e que seguiremos facendo posto que tiveron unha grande acollida”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
