Cervo, 14 de setembro, 2026. O Concello de Cervo presentou o II Torneo de Xadrez Concello de Cervo, que se celebrará este sábado, 19 de setembro, a partir das 10:00 horas, na sala cultural Xosé Vizoso, no edificio da Carboeiras en Sargadelos.
A presentación da cita correu a cargo da alcaldesa de Cervo, Dolores García Caramés, que estivo acompañada polo presidente do Club Xadrez San Roque e mestre desta disciplina, Aitor López, que se encarga de dirixir a actividade.
O torneo está dirixido ás categorías Sub 8, Sub 10, Sub 12, Sub 14, Sub 16 e Sub 18, ofrecendo ás nenas e nenos participantes a oportunidade de gozar dunha xornada deportiva arredor do xadrez e de compartir experiencia con outros afeccionados a esta disciplina.
A actividade conta coa colaboración do Club Xadrez San Roque de Viveiro e está organizada polo Concello de Cervo.
A alcaldesa, Dolores García Caramés, destacou a aposta do Concello por seguir achegando actividades deportivas e de ocio ás crianzas e á mocidade: “O xadrez é unha disciplina que, ademais de ser divertida, fomenta a concentración, a capacidade de análise, a paciencia e a toma de decisións. Por iso queremos seguir promovendo este tipo de iniciativas e facilitando que as nosas crianzas teñan a oportunidade de coñecelo e practicalo”.
Neste sentido, a rexedora lembrou tamén a gran acollida que tivo o xadrez durante o verán, xa que foi unha das actividades incluídas no programa municipal Enredando no verán, no que participou un bo número de nenos e nenas do municipio.
“A experiencia de Enredando no verán demostrounos que existe interese por esta actividade entre as nosas crianzas, polo que consideramos moi interesante continuar ofrecendo propostas vinculadas ao xadrez e crear espazos nos que poidan aprender, practicar e, sobre todo, pasalo ben”, engadiu.
As persoas interesadas en participar no torneo poden obter máis información e formalizar a inscrición a través do teléfono 672 77 25 08.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
