A Deputación de Lugo leva investidos máis de 650.000 euros na dotación e mellora de infraestruturas e servizos no Concello de Foz soamente nos tres últimos anos de goberno de Gómez Besteiro, e o “único culpable de que os focenses non reciban máis cartos do organismo provincial é o Alcalde”, subliñou a Vicepresidenta Segunda, Lara Méndez.
Méndez explicou que o rexedor perdeu preto de 112.000 euros ó rexeitar, entre outros, dous plans para aforrar na factura da luz das instalacións municipais, co que recibiría 35.000 euros e acadaría un aforro duns 8.300 euros ó ano; os servizos tecnolóxicos do programa Innova-TE, que tumbou cando xa tiña en marcha, privando ós focenses dunha praza wifi de acceso libre e gratuíto a Internet e dun investimento duns 40.000 euros; e unha axuda de 35.000 euros para redactar o proxecto da residencia de maiores.
No caso dos proxectos para aforrar na factura eléctrica, “a situación é moito máis grave, pois o Alcalde preferiu pagar por participar nun programa da Xunta antes que sumarse á iniciativa da Deputación, que, ademais de ser totalmente gratuíta, é moito máis completa”, afirmou a Vicepresidenta.
“Bota balóns fóra ante a súa falta de xestión”
Deste xeito, Lara Méndez instou ó Alcalde a “deixar de botar balóns fóra para tratar de xustificar a súa falta de xestión e a dos Gobernos de Feijóo e Rajoy, pois os froitos do traballo da Deputación están á vista de todos os veciños de Foz”. A Deputada destacou neste senso actuacións como o acondicionamento do campo de fútbol e Malates, da área recreativa, pistas e arranxo do chan na capela de Vilaxoane; mellora da pista de tenis; melloras nos núcleos de Anafreita, Chousa de Bieito en San Cibrao, Mansín, Ribela e Lousada, no local social de Nois e na antiga escola de Fazouro; e pavimentación e servizos en Marzán. Ademais, a Deputación ocúpase do mantemento e roza dos máis de 37 quilómetros de estrada provinciais que discorren por Foz, cun investimento duns 154.000 euros dende o 2011.
Logo de que o Presidente da Xunta “decidise dun día para outro non pagar máis o servizo de axuda no fogar”, engadiu Méndez, a Deputación garantiu esta prestación social en Foz cunha achega de 13.200 euros entre 2011 e 2013, ademais de cofinanciar nun 50% a teleasistencia domiciliaria despois de que o Goberno de Rajoy reducise a cero a achega estatal.
O organismo provincial impulsa así mesmo a economía local outorgando axudas á confraría de pescadores (9.000 euros dende o 2011), a Festa do Berberecho (9.000 euros) ou as Xornadas da Natureza (2.000 euros).
Abandono da Xunta
Fronte a este compromiso “real e visible” da Deputación, a Xunta, afirmou Lara Méndez, “mantén nun total e absoluto abandono á comarca da Mariña, e ó Concello de Foz en particular, pois non foi capaz de impulsar investimento algún para o municipio, máis alá de que, como agora se achegan as eleccións, levasen dúas máquinas para facer que empezaron as obras da residencia da terceira idade”. A Vicepresidenta cuestionou así mesmo a eficacia dos dous dragados da ría acometidos pola Xunta, “pois segue habendo moitos problemas e, por riba, suprimíronlle ós usuarios do porto a bonificación de tarifa por baixo calado”.
“Se ó Alcalde lle importase realmente o benestar e o futuro de Foz, non rexeitaría investimentos da Deputación por sistema, preocuparíase por manter os recursos turísticos e a boa imaxe da localidade, que está a perder pola súa inacción, e e esixiría ós Gobernos de Feijóo e Rajoy as infraestruturas que historicamente lle adebedan ós focenses e ós mariñanos, como a Vía de Alta Capacidade, a ampliación do hospital da Costa ou a reparación do firme da Nacional 634, que se encontra intransitable”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
