500.000 euros é o orzamento que achega a Deputación ó plan de impulso do Campus de Lugo, que contempla un total de 13 medidas. Así o adiantou hoxe o voceiro provincial socialista, Manuel Martínez, logo de que a Xunta de Goberno aprobase os convenios correspondentes coa USC das primeiras medidas postas en marcha: a campaña de difusión de Lugo como cidade universitaria, #paraestudarlugo; e as bolsas para gastos de matrícula.
Martínez adiantou que dende o 29 de setembro ó 1 de outubro incluído, período da nova fase de preisncrición na USC, a Deputación ofrece máis descontos do 50% nos custes da matrícula ós estudantes que se incorporen a 7 graos do Campus de Lugo: Enxeñería en Procesos Químicos Industriais; Enxeñaría Civil; Enxeñaría en Xeomática e Topografía; Enxeñería Agrícola e Agroalimentaria; Enxeñaría Forestal e do Medio Natural; Lingua e Literatura Españolas; Ciencias da Cultura e Difusión Cultural. Xa se beneficiaron destas bolsas 145 persoas que se matricularon en xullo.
A Deputación, en colaboración co Campus de Lugo, continúa coa campaña #paraestudarlugo, que ten 3 obxectivos: a promoción da calidade de vida de Lugo, do Campus lucense como destino para os novos universitarios, ó ter unha das ofertas máis plurais de Galicia, e da matriculación en determinados graos. O microsite http://paraestudarlugo.com recolle as principais características que definen á cidade e ó Campus. Pódese atopar máis información en http://paraestudarlugo.com, nas contas de Twitter da USC (@UniversidadeUSC) e da Deputación de Lugo (@depulugo), así como na páxina de Facebook do organismo provincial, https://www.facebook.com/diputacionlugo.
13 medidas
Ademais das bolsas para gastos de matrícula e da campaña de difusión do Campus de Lugo, a Deputación financiará con estes 500.000 euros máis medidas, que se materializarán en vindeiros convenios de colaboración coa USC. Son en total 13:
1. Realización dun plan de promoción de Lugo como cidade universitaria e das titulacións do Campus de Lugo.
2. Determinación dun plan de bolsas para gastos de matrícula nas titulacións con problemas de demanda.
3. Plan de captación de estudantes doutras nacionalidades.
4. Desenvolvemento dun plan de apoio para as prácticas de campo.
5. Determinación dun plan de bolsas de investigación en grupos.
6. Fomento das titulacións de Máster.
7. Potenciación para a realización de cursos de verán na provincia de Lugo.
8. Estudo sobre a posibilidade de utilizar a Granxa Gayoso Castro para a realización de prácticas universitarias.
9. Impulso da docencia semipresencial ou a distancia mediante a implantación de novas tecnoloxías.
10. Incentivos de Traballos de Fin de Grao e Traballos Fin de Máster.
11. Impulso da divulgación científica e a captación de novos talentos.
12. Estudo sobre a posibilidade de incrementar os fondos existentes na Biblioteca Intercentros do Campus de Lugo.
13. Análise das infraestruturas deportivas e docentes.
Aforro en gastos correntes
A Xunta de Goberno aprobou a contratación nun mesmo prego dos servizos de telefonía fixa e móbil para o organismo provincial, e de banda longa para a Deputación, 48 Casas Consistoriais e 48 prazas públicas wifi municipais. Martínez salientou os beneficios desta contratación conxunta:
1.- “Un novo aforro de 60.000 euros nos custes de telefonía, que se engaden ós preto de 130.000 que conseguimos nos dous últimos anos, fixando cotas límite de consumo ou reducindo as liñas, entre outras medidas, sumando, polo tanto, un aforro de 180.000 euros ó ano nestes gastos correntes”.
2.- “Conseguimos a mellor rede interadministrativa dunha entidade pública en Galicia, capaz de levar conexión wifi cunha velocidade entre 100 e 50 megas a lugares orográficamente complexos entre os 48 Consistorios e 48 prazas wifi ós que prestamos este servizo”.
Sinalización Reservas
A sesión aprobou un novo plan de sinalización para Terras do Miño e Os Ancares Lucenses, dotado de 60.000 euros. Faino logo de que a Deputación de Lugo se convertese en 1 das 4 administracións de España que xestionan Reserva da Biosfera que acada fondos do Organismo Autónomo Parques Nacionais (OAPN). Foron 45 as administracións que optaron ás axudas deste organismo do Ministerio de Medio Ambiente.
Son 50.000 euros os que achega o Ministerio, orzamento que o actual Goberno Central recortou nun 95%, pois o anterior Executivo Estatal concedeu un total de 1.175.000 euros na convocatoria previa a esta. A Deputación achega 10.000 euros de fondos propios.
O organismo provincial reforza con estes 60.000 euros a sinalización das Reservas da Biosfera, posto que xa situou máis de 80 sinais en vías de accesos e puntos naturais dos 29 Concellos que integran Terras do Miño e Os Ancares Lucenses. Fíxoo cos citados fondos concedidos polo anterior Goberno Central.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
