Ribadeo, 26 de setembro de 2014. No pleno ordinario celebrado no Concello ribadense onte foron aprobadas as modificacións incluídas no PXOM, seguindo as directrices marcadas pola Secretaría Xeral de Urbanismo. Tamén se aprobaron o convenio a asinar con Acisa para a dinamización comercial de Ribadeo e o regulamento dos cemiterios municipais.
O alcalde, Fernando Suárez, explicou que “foi un pleno moi importante, cheo de cousas moi importantes para Ribadeo, e que ademais a maior parte delas foron aprobadas por unha ampla maioría ou cando non cos votos do grupo do goberno do BNG e coa abstención do resto dos grupos. Pero gustaríame destacar de entre todos, a aprobación case unánime que tivemos do Plan Xeral de Ordenación Municipal no sentido de que a maioría da Corporación, é dicir once concelleiros dos trece que somos, votamos a favor con só dúas abstencións, algunha delas un tanto rara, pero que lle imos facer. Por tanto, aprobamos a modificación que tivemos que facer da aprobación provisional do plan de fai uns meses, que precisamente a Secretaría Xeral de Urbanismo nos requiriu para que así, esperemos que sexa en poucas semanas, a Xunta de Galicia poida aprobar definitivamente o planeamento urbanístico de Ribadeo”. Para Suárez Barcia “será un beneficio para todos os veciños e veciñas e quero reiterar a miña felicitación e os meus parabéns para todos os concelleiros que durante todo este tempo viñemos traballando estreitamente, con independencia do grupo político ao que pertenceran, e que agora a maior parte deles votaron a favor desta proposta de modificación de todos os requirimentos que a Xunta nos ordenou”.
Outro dos puntos que se aprobaron na sesión plenaria de onte foi o convenio a subscribir con Acisa para a dinamización comercial de Ribadeo. O alcalde dixo que “seguimos a marcar as pautas de actuación que permiten poñer o grao de area do Concello dende a achega económica e dende as actuacións que o Concello se compromete a facer e tamén coas actuacións que Acisa se compromete levar a cabo no sentido de traballar conxuntamente como estamos a facer nos últimos tempos. Penso que somos un referente comercial para A Mariña e para unha parte moi importante do territorio e dende logo temos que seguir nesta idea de facer un Ribadeo atractivo, atractivo no arquitectónico, nas súas rúas peonís e nos espazos públicos, un Ribadeo atractivo cun comercio moderno e que saiba atraer xente e no que as infraestruturas de comunicación servan para seguir atraendo xente e non para levala. Nesa idea está o Concello e nesa idea están os comerciantes. Este convenio foi aprobado cos votos a favor do equipo de goberno e coa abstención do resto dos grupos”.
No pleno quedou aprobado inicialmente o regulamento dos cemiterios municipais de Ribadeo: o da vila e o de Ove. “Trátase de dotar a estes cemiterios dunha normativa e dun regulamento moderno e actual, que veña a substituír ao vixente que é de 1932 e ten moitos anos, polo que non está adaptado ás lexislacións actuais. Por iso, ás veces formula determinados problemas sobre todo co tratamento de nichos en desuso e con determinados dereitos e deberes dos propietarios ou concesionarios de sepulturas. Agora polo tanto haberá unha exposición pública durante un mes, onde tódolos veciños e colectivos poderán ver este documento e ao mesmo tempo, poderán facer suxestións e achegas porque do que se trata é que entre todos poidamos facer unha normativa cómoda, que regule o funcionamento para ben do cemiterio, sen que haxa ningunha traba. Senón todo o contrario, que é o que pretendemos”, dixo o alcalde, Fernando Suárez.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
