Foz, a 27 de setembro de 2014.- O BNG de Foz sacou adiante as mocións que levou a Pleno exceptuando a que solicitaba que o Concello de Foz se rexistrara e activara o seu enderezo .gal antes de novembro, que é o prazo que se establece na fase de lanzamento.
O BNG non entende porque o PP e UNIFOZ votaron en contra e cúlpaos de impedir que o Concello de Foz sexa uns dos pioneiros neste acontecemento histórico polo que representa ao situar a nosa cultura e a nosa lingua na rede de internet e facernos máis visibles nese mundo global. Menos aínda o entendemos cando supón economicamente só 50 euros ao ano e cando o Parlamento de Galiza por unanimidade dos partidos representados na Cámara ten feito unha declaración institucional na que recoñece o logro do dominio e a súa importancia para o desenvolvemento non só da nosa lingua senón tamén doutros ámbitos como o das empresas ou asociacións de todo tipo. A propia Real Academia Galega mostrou sempre o seu apoio a esta iniciativa en Internet.
Unha das mocións do BNG aprobada foi a que se opuña ao canon bibliotecario que grava aos e ás usuarias das bibliotecas públicas así como ás bibliotecas municipais á hora de mercar libros de lectura e de préstamo. Outra das mocións aprobadas foi a moción que se opón á reforma electoral formulada polo Partido Popular que só lle beneficiaría a el e que ten como finalidade que teña a alcaldía a lista máis votada vulnerando a expresión do pluralismo político e a capacidade de participación e control da xestión pública municipal. Neste punto entrouse nun debate que o PP coma sempre desvirtuou, achacando a ingobernabilidade do Concello á oposición cando é o principal responsable de que o Concello estea na situación de parálise e de caos no que está. “Un mal gobernante será sempre o culpable da falta de goberno ou dun mal goberno. Botarlle a culpa aos outros ou a factores externos sempre é e será mostra de incapacidade propia” asevera Xan Carlos González Basanta, portavoz municipal do BNG.
Finalmente aprobouse a moción do BNG na que instaba á Consellaría de Medio Rural a que nos orzamentos da Xunta de Galiza de 2015 se dote unha partida orzamentaria para a condonación das débedas dos montes de man común consorciados porque o PP pretende coa nova lei usurpar estes montes á veciñanza para entregarllos regalados ás empresas privadas forestais, particularmente ás sociedades de fomento forestal.
Xan Carlos González Basanta
Portavoz municipal do BNG
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
