“Desmontadas as mentiras do Goberno de Feijóo” sobre o incremento do canon de Sogama, o Executivo de Gómez Besteiro leva unha moción ó Pleno Provincial deste martes coa que a Deputación de Lugo esixe de novo á Xunta de Galicia a inmediata retirada da suba nun 34% desta taxa.
1º MENTIRA: “Como consecuencia da retirada de primas ás enerxías renovables por parte do Executivo Central, o Goberno de Feijóo predecía en marzo do 2013 perdas millonarias en Sogama. Pola contra, o Conselleiro de Industria, Francisco Conde, desvelou recentemente que a reforma enerxética suporá a Sogama novos ingresos de 18 millóns de euros ó ano”.
2º MENTIRA: “O Goberno de Feijóo calculaba perdas de 4 millóns de euros en Sogama no 2013. Do balance de contas da Sociedade despréndense perdas de pouco máis de 600.000 euros, é dicir, un 85% menos das estimadas pola Xunta”.
“Escudándose en catastrofistas previsións, e optando pola saída máis sinxela para eles e máis prexudicial para os veciños, os populares impuxeron ós Concellos unha suba do 34% no custe do tratamento de residuos. Isto obrigou ós municipios a subir os recibos ós cidadáns ou a asumir o incremento con seus recursos”.
Verdadeiras intencións da suba
“O que realmente perseguía o Goberno de Feijóo coa suba do canon non era estabilizar as contas de Sogama, senón liquidar a débeda que esta Sociedade mantén cos seus propios accionistas: Xunta de Galicia, que ten unha participación do 51%; e Gas Natural Fenosa”.
Esta débeda ascendía a finais do 2013 a 25.729.329 euros de capital e 2.822.988 euros de intereses. É froito de dous préstamos subordinados por Sogama con Xunta e Gas Natural Fenosa, sobre os que o Tribunal de Contas emitiu un informe contrario no 2004, recomendando a ampliación de capital e non a fórmula do préstamo co fin de evitar a creba financeira de Sogama.
“Xerando beneficio, Sogama pode devolver o diñeiro á Xunta de Galicia e a Gas Natural Fenosa, que optaron por esta fórmula para tratar de sacar o maior beneficio posible da mesma e asumiron a mínima inversión pese á chamada de atención e recomendacións do Consello de Contas”.
Acordos
Coa moción que o Goberno de Gómez Besteiro leva ó vindeiro Pleno Provincial, que terá lugar este martes 30 de setembro, propóñense os seguintes acordos:
• Manifestar o rexeitamento da Deputación de Lugo á suba do Canon de Sogama por estar baseado en datos e previsións erróneas por parte da Xunta de Galicia.
• Esixir a inmediata retirada da suba do Canon de Sogama e explorar outras vías propostas no Plan Económico-Financeiro, que abaraten a xestión e tratamento dos residuos.
• Solicitar da Xunta de Galicia que se realice unha avaliación seria e rigorosa a través dunha auditoría externa que recolla a situación económico-financeira real de Sogama e que se poña en coñecemento dos Concellos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
