Burela, 27 de setembro de 2014. O goberno municipal do Concello de Burela remitiu este venres, día 26, un escrito á Xerencia Provincial do Catastro para trasladarlle que o “Concello de Burela ten intención de levar a cabo unha revisión dos valores catastrais dos inmobles, solares e fincas do noso termo municipal, coa intención de adecuar os indicados valores á realidade económica actual”.
No escrito, asinado polo alcalde, José María González Barcia, solicitase “información sobre o procedemento a seguir por este Concello para levar a cabo a solicitude oficial, e polo procedemento a seguir, por parte da Xerencia Provincial e deste Concello, e prazos de realización, logo de ter presentada formalmente a petición”.
No mencionado escrito, tamén se fai constancia de que desde o Concello “como primeira medida, tense remitido a esa Xerencia Provincial o documento do PXOM aprobado definitivamente o 31 de marzo do presente ano, para a adecuación do solo de natureza rústica”.
O alcalde, José María González Barcia, manifestou que “o goberno municipal adoptou recentemente a decisión de solicitarlle á Xerencia Provincial do Catastro unha revisión dos valores catastrais, dado que os prezos de mercado son agora sensiblemente inferiores aos que había cando se fixaron os valores que agora están vixentes. O que acontece é que, antes de dar o paso definitivo, temos que ter toda a información posible para tentar de non cometer ningún erro”.
Barcia asegurou que “este asunto foi tratado nunha reunión mantida por min mesmo coas directivas da asociación de veciños O Vencello e da Comunidade de Montes, e mesmo no pleno do pasado xoves eu dixen que tíñamos este tema riba da mesa. Tanto é así, que nas vindeiras semanas manterei outra reunión con eles para explicar os pasos que imos dar de agora en diante”.
“Polo tanto o PSOE chega unha vez máis tarde con ese anuncio de solicitude dun pleno para tratar este asunto. Desde a alcaldía xa dimos o primeiro paso, mesmo antes de que eles fixeran o primeiro anuncio, o que demostra que mentres uns dormen e gozan da vida, outros dedicamos moito tempo a preocuparnos polo que realmente lles importa ós veciños”, engadiu o alcalde burelés.
Finalmente, González Barcia manifestou que “o goberno municipal actuou, actúa e actuará sempre con coherencia, para salvagardar os intereses xerais tentando tamén atender os intereses lexítimos das persoas. Outros só buscan o oportunismo barato resultante de saír na prensa falando de grandes anuncios que logo non se traducen en feitos concretos”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
