Esgotadas as prazas do curso Desenvolvemento de novos produtos pesqueiros, financiado por completo pola Deputación de Lugo dentro dun convenio de colaboración coa Universidade de Santiago de Compostela que contou cunha achega provincial de 30.000 euros. As 30 prazas previstas para o curso, 15 para Viveiro e outras 15 para Burela, esgotáronse ás poucas horas de abrirse o prazo de inscrición e, polo momento, xa hai lista de espera. No curso, que espertou un gran interese entre os profesionais do sector do mar, participarán tamén persoas de Nigrán, Santiago de Compostela e Corrubedo, que viron nesta actividade unha gran oportunidade para reinventarse e buscar alternativas de futuro.
Foi tal a repercusión do curso no sector que incluso un viveirense residente en Ibiza se sumou á iniciativa coa que 30 persoas, a maioría relacionadas co sector do mar, aprenderán a crear novos produtos derivados do bonito do norte e da merluza a través dunha técnica nunca antes vista, nacida grazas á colaboración do organismo provincial coa USC. Con esta iniciativa, a Deputación aposta pola investigación para crear emprego, xerar riqueza e fixar poboación, impulsando ademais o desenvolvemento de sectores punteiros como é o do mar que, no que vai de ano, xerou coas vendas de bonito do norte e merluza ó redor 57 millóns de euros.
Programación do curso
O curso celebrarase nos Portos de Burela e Celeiro durante o vindeiro mes de outubro. Este obradoiro celebrarase en varias xornadas diferentes; a primeira no Porto de Celeiro, do 30 de setembro ó 3 de outubro, e a segunda na sede da Asociación de Armadores de Burela- ABSA-, do 7 ó 10 de outubro, en horario de 16:00 horas a 20:00 horas. No obradoiro, completamente gratuíto para os participantes, hai programadas sesións teóricas e prácticas nas que se tratarán temas como a preparación de produtos reestruturados de merluza e bonito e as súas características; a manipulación de alimentos; a composición química do peixe ou os aditivos empregados no proceso tecnolóxico de reestruturación do peixe. O venres 3 en Viveiro e o 10 de setembro en Burela hai programada unha cata, coa que veciños e visitantes poderán degustar este produto, completamente novidoso no eido da alimentación.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
