Magosto Popular na Sala Bahía

Asociación de Veciños “O Castro” de Foz celebra o sábado 15 a partir das 20.00 horas na Sala Bahía o tradicional magosto popular que, como vén sendo habitual, fai cada ano por estas datas para convidar ós socios e veciños a que se acheguen a degustar as castañas asadas, chourizos asados, sobremesa, pan, viño, refrescos… Dende a asociación aclaran que “pode acudir todo o que o desexe, non ten por qué ser socio; xa que o que pretendemos é dar a coñecer a asociación e que os veciños saiban que estamos ahí para que nos transmitan as súas queixas, peticións, preguntas… e todo aquilo no que a Asociación poida axudar”.