O alcalde Barreiros, Alfonso Fuente Parga, informou no pleno celebrado onte que o concello recibiu unha subvención de 123.000 euros para a redacción do Plan Xeral de Ordenación Municipal.
Fuente Parga afirmou que “ata que non chegou esa comunicación non podíamos sacar a concurso a redacción do proxecto. Agora estamos preparando”. A aclaración do máximo rexedor foi en resposta a unha pregunta do BNG.
O pleno tamén aprobou, so cos votos do PP e a abstención do resto de formacións políticas a creación do posto de traballador social a tempo completo. Actualmente estábase a compartir co concello de Trabada.
Por outra banda, sinalar que cos votos do PP e dos Independentes aprobouse unha moción relativa ás demoras que se están a rexistrar para o acceso a determinadas especialidades no Hospital da Costa.
Notas de Prensa
O CONCELLO DE BARREIROS RECIBE UNHA SUBVENCIÓN DE 123.000 EUROS PARA A REDACCIÓN DO PLAN XERAL DE ORDENACIÓN MUNICIPAL.
Barreiros, 27 de maio de 2008. En breve comenzará a redacción do PXOM de Barreiros, segundo adiantou no pleno celebrado onte no Concello o alcalde, Alfonso Fuente Parga. Así respostou ás preguntas que lle formulou o BNG sobre este asunto. O rexedor asegura que <hai unha semana que recibimos a resolución da axuda que nos conceden para esto, e ata que non chegou esa comunicación non podíamos sacar a concurso a redacción do proxecto. Agora estamos preparando xa todo para que se realice o antes posible>. A subvención que recibe o Concello de Barreiros para a redacción do Plan Xeral ascende a 123.000 euros.
Saneamentos
Na sesión plenaria de onte tamén se falou dun saneamento que se está a realizar en Benquerencia. Alfonso Fuente conta que <informéinos doutros saneamentos que están en marcha no Concello e aportéilles datos dos que xa están rematados e que tiveron un custe cero para as arcas municipais. O BNG intererábase por unha partida de 1.440 euros de pala, e díxenlle que 63 usuarios que pagan a 60 euros cada un polas taxas de entronque saen 1.380 euros, co que si pagamos 1.440 euros o custe para o Concello neste caso foi de 100 euros. Creo polo tanto que a xestión é boa>. O alcalde engade que <senón chegásemos a convenios con grupos de afectados que non teñen saneamento, nos que eles poñen unha parte e o Concello outra nunca disporíamos deste servizo, e neste caso insisto a xestión é boa>. Alfonso Fuente Parga di que <os nacionalistas descoñecían o nome da empresa que traballa nese saneamento de Benquerencia, e ademáis vinculábana a traballadores municipais. Eu fíxenlle unha pregunta a Xesús Díaz sobre si é posible que unha persoa pague autónomos e estea no réxime xeral da seguridade social e díxome que sí. Polo tanto os traballadores do Concello que rematan a súa xornada ás tres da tarde, a partires de aí poden ter as súas empresas nas que cotizan….Díxenlles que están legalmente dados de alta e cos papeis en regra polo que ó Concello se refire>.
Traballador social
No pleno de onte de Barreiros foi aprobado cos votos a favor do PP e a abstención do resto de formacións políticas a creación do posto de traballador social a tempo completo. Segundo Alfonso Fuente <agora estábamos a compartir ó traballador social co Concello de Trabada. Viña dous días á semana e despois un venres cada quince días. E diante da demanda e das tramitacións que está a xenerar a nova lei de dependencia, e polo aumento do servizo de axuda a domicilio no noso Concello todos coincidimos na necesidade de realizar esta contratación, ainda que despois moitos se abstiveron>. O alcalde considera que <non podemos criticar, coma fixemos cunha moción no Concello, as listas de espera no Hospital da Costa si despois nós creamos as nosas propias listas de espera>.
O CONCELLO DE BARREIROS PIDE QUE SE ADOPTEN MEDIDAS PARA REDUCIR AS LISTAS DE ESPERA NO HOSPITAL DA COSTA.
Barreiros, 27 de maio de 2008. O PP e os Independentes aprobaron no pleno celebrado onte en Barreiros a moción dos populares relativa ás demoras que se están a rexistrar para o acceso a determinadas especialidades no Hospital da Costa. O alcalde, Alfonso Fuente, amósase sorprendido <porque nin BNG nin PSOE apoiaron esta moción que non é nin demagóxica nin oportunista, senón que pretende ser unha advertencia e un aviso do que está a ocorrer>. O rexedor de Barreiros entende que <as listas de espera sempre existiron, hai listas que podemos entender coma razoables, pero non podemos quedar quietos diante da ampliación dos días de espera que nalgúns casos son superiores ás que rexistran outros hospitais galegos. ¿Por qué os veciños da Mariña teñen que esperar tanto para seren atendidos no Hospital de Burela?>. Alfonso Fuente tamén se amosa sorprendido porque <se nos diga no Parlamento de Galicia que a partida orzamentaria que había para o 2007 non se gastou en nada, nin na ampliación nin na mellora dos servizos deste hospital. Por iso queremos facer fincapé nesto porque pode haber un intento de engano hacia os veciños. Hai unha partida prevista que non se gasta en mellorar algúns servizos e entón as listas de espera van en aumento>.
Sector pesqueiro
Ó alcalde de Barreiros chamóulle a atención que no pleno de onte o voceiro do BNG, Antonio Veiga, non apoiase a moción sobre o sector pesqueiro que presentaron os populares. Alfonso Fuente lembra que <Veiga pasou moitos anos traballando entre os armadores no porto de Burela, e agora é él mesmo o que non apoia esta moción diante dun grave problema que está a xenerar o prezo do gasóleo. Extrañóume a actitude de Antonio Veiga que agora non se interesa pola pesca e tamén a do voceiro do PSOE que único que dixo é que hai medidas adoptadas para tentar solucionar este problema. Eu penso que hai unha movilización convocada que indica que esas medidas non son as correctas ou que non están a dar resultados>.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
