Ribadeo 5 de decembro de 2014.- O presidente do PP de Ribadeo e candidato á alcaldía, Jesús López Penabad, deu a coñecer este venres que o Partido Popular da localidade iniciará a próxima semana unha campaña de buzoneo para recopilar as necesidades, suxestións e queixas dos veciños.
Os populares repartirán nos distintos domicilios unha carta na que formulan as preguntas: ¿Qué necesidade ve na súa rúa? e ¿Qué cree que necesita Ribadeo?. Deste xeito, os populares pretenden aglutinar as peticións e demandas dos veciños para logo plasmalas no programa electoral.
Asemade e unha vez cuberta, os cidadáns poderán depositar as papeletas coas súas queixas, demandas ou peticións nun buzón ubicado na sede dos populares (Avenida Calvo Sotelo, nº28) ou en urnas, repartidas en varias cafeterías do municipio; onde tamén atoparán máis exemplares de impresos para responder.
Penabad tamén asegurou que dentro desta campaña de recollida de ideas para a elaboración do programa electoral, os populares deseñarán un calendario de reunións, -a modo de foros abertos- nas parroquias, para, do mesmo xeito, recadar as suxestións dos veciños do rural.
O candidato popular agarda que esta iniciativa teña a mellor acollida posible e así amosou o seu desexo de que os veciños sumen coas súas achegas e se involucren para xuntos elaborar un verdadeiro proxecto participativo, aberto e plural.
Penabad concluíu ao asegurar que a súa pretensión é a de desenvolver un PP aberto cara os veciños; no que se dea voz a todos e cada un dos ribadenses.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
