CERVO, 6 DE DECEMBRO. Os membros do Grupo Municipal Socialista de Cervo ratificaron este sábado a súa vontade de “seguir traballando intensamente” para garantir a viabilidade de proxectos empresariais fundamentais para a localidade e para toda a comarca da Mariña, ó tempo que lamentaron que o “Partido Popular e Balseiro leven meses ausentes e desaparecidos” ante a crítica situación que atravesan Alcoa, Sargadelos ou Ecesa.
“Tan só se preocupan por facer propaganda, vender ós seus candidatos electorais e lanzar fogos de artificio sobre o proxecto de ampliación do Hospital da Costa e a VAC, cando centos de familias do noso concello teñen a alma nun puño pola incerteza que planea sobre estas empresas. As nosas prioridades son os veciños, as súas, os intereses partidistas”, subliñaron.
Mentres os socialistas demostran “día a día” o seu compromiso “con propostas, iniciativas e xestións”, tanto a nivel de partido, como dende as institucións nas que están presentes, o PP, e en concreto, o alcalde, Alfonso Villares, e o primeiro tenente de alcalde, deputado autonómico e secretario provincial dos populares, José Manuel Balseiro, “non abriron a boca, nin fixeron o máis mínimo xesto, cando deberían mobilizarse dende o primeiro momento e esixirlle á Xunta de Galicia e ó Goberno central solucións inmediatas polo mantemento destas empresas e os seus postos de traballo”. “O silencio de Balseiro demostra a súa ineficacia como representante dos cervenses e de todos os galegos”, recalcaron.
Alcoa
Os socialistas estiveron reunidos hai só unha semana cos traballadores da planta de Alcoa en San Cibrao, cos que se comprometeron a solicitar ó Goberno central e á Xunta un marco enerxético estable e a prezos competitivos que garanta a viabilidade da planta.
De feito, o grupo socialista no Parlamento galego denunciou este mesmo mércores na Cámara ante Núñez Feijóo a incerta situación á que se enfronta a factoría de non adoptarse solucións eficaces, inmediatas e a longo prazo. Ó mesmo tempo, o PSOE rexistrou tamén o mércores no Congreso dos Deputados unha proposición non de lei na que reclama ó Executivo de Rajoy que estableza unha fórmula para que as empresas con alto consumo enerxético poidan ter prezos razoables e en relación ós de outros países da Unión Europea. Así mesmo, a Deputación de Lugo aprobou onte na Xunta de Goberno unha declaración institucional esixindo solucións de futuro para Alcoa.
Frente a todo isto, o Partido Popular “non moveu un dedo”.
Sargadelos
O GMS esixiu ó alcalde que instase á Xunta, administración coas competencias en materia de industria e traballo, que desenvolvese un plan de actuación para cooperar na busca de solucións ós problemas económicos de Sargadelos. Demandou tamén que o Real Padroado de Sargadelos, do que forman parte Xunta, Deputación e Concello, buscase solucións conxuntas, eficaces e de futuro que aseguren a súa actividade e postos de traballo.
Ante esta situación, a Xunta “foi incapaz de facer nada” e o PP “mira para outro lado”.
ECESA
O mesmo ocorre coa empresa Área Minera del Atlántico, antiga ECESA. Os socialistas levan meses advertindo da súa mala situación e reclamando solucións por medio do alcalde no Concello e de Balseiro no Parlamento. Finalmente, o pasado martes confirmouse o cese da súa actividade “e seguimos sen saber que vai pasar cos postos de traballo e se se vai garantir a seguridade de todos os veciños se a mina queda abandonada”.
O señor alcalde e o PP “quedáronse de novo de brazos cruzados”.
Sen praza de médico
Ademais de pola agónica situación destas tres empresas, o PSOE cervense esixiu explicacións ó PP porque “da praza de médico que suprimiu a Xunta e que prometera Balseiro fai un ano e medio non sabemos nada de nada. Iso é o que vale a súa palabra e as súas promesas: nada. Moito nos tememos que pase igual coa ampliación do hospital e coa VAC”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
