Ribadeo, 9 de decembro de 2014. A concelleira de Desenvolvemento Local e Turismo, Ana Martínez, valorou positivamente a asistencia de visitantes rexistrada durante a pasada ponte no XII Mercado do Nadal da vila. A edil recoñeceu que xa hai artesáns interesados en participar na vindeira edición e afirmou que con esta actividade “Ribadeo volveu converterse no punto de encontro entre veciños e comerciantes, impulsando e dinamizando o sector servizos”.
Para Ana Martínez, “de novo celebrouse o Mercado do Nadal en Ribadeo, nesta xa XII edición, que da arranque á tempada de Nadal. Unha actividade que coincidiu tamén nestas datas co acendido do alumeado destas festas, que este ano procuramos ampliar un chisquiño máis polas rúas. Destacar que neste 2014 a propia situación do mercado e das súas casetas, cambiou. O mercado trasladouse ás proximidades da praza de abastos, xa que houbo unha remodelación da zona e do propio edificio, e buscamos dinamizar tamén esta parte da vila, procurando que o comercio local poida tamén saír favorecido. Con este cambio de situación, tamén se levou a cabo unha modificación na propia estética das casetas, que esta vez foron de madeira, dando así un aspecto máis de nadal, e máis entrañable e apetecible para visitar o noso mercado”.
A edil nacionalista afirmou que “a pesares da auga que caeu, que foi moita durante toda a ponte, temos que dicir que Ribadeo estivo con moita xente estes días, tanto a nivel de visitantes no propio mercado, como a nivel da propia xente que acudiu a participar nas distintas actividades que se sucederon na vila. Creo que esas actividades das que a xente puido gozar foron moitas”.
A concelleira de Desenvolvemento Local e Turismo dixo: “dende o noso Concello entendemos a importancia de dinamizar e de apoiar ao sector servizos, fundamental no noso municipio, e que nestes tempos duros debemos, se cabe máis, seguir impulsando e apoiando. Ademais dende o Concello de Ribadeo queremos valorar tamén que os 25 artesáns que participaron nesta feira en diferentes actividades, coma o coiro, o téxtil, as velas ou a alimentación, manifestaron xa o seu interese por participar no Mercado do Nadal en anos vindeiros, pois entenden que Ribadeo é un punto importante nas súas vendas durante todo o ano. E para rematar, agradecer o seu traballo a todos os que colaboraron nas actividades facendo posible de novo que Ribadeo fose un punto de encontro para moitas e moitos dos nosos veciños, tanto galegos coma asturianos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
