RIOTORTO, 11 DE DECEMBRO DE 2014.- Os socialistas de Riotorto consideran “un insulto aos veciños” que o Partido Popular solicite a convocatoria dun Pleno extraordinario para demandar á Deputación que proceda á reanudación das obras da estrada que comunica as localidades de As Rodrigas con Marco de Álvare. Para o voceiro do PSOE neste municipio –José García- a iniciativa dos populares “carece de sentido e perde todo o seu valor”, pois son coñecedores de que a ausencia de permisos da Xunta foi a que obrigou á institución provincial a paralizar temporalmente os traballos.
Por este motivo, cualifica de “indignante” e de “pouca calidade democrática” esta petición. E é que durante os máis de vinte anos que “tiveron as rendas do concello”, o arranxo desta vía foi prometido publicamente polo PP en cada proceso electoral; un compromiso que “xamais foron capaces de levar a cabo”. Neste senso, considera que “o PP lle tería que estar agradecido á Deputación e ao seu Presidente”. “Durante máis de dúas décadas anunciaban unhas obras que nunca se fixeron ata que o Partido Socialista chegou á Deputación. Isto demostra o pouco respeto institucional que teñen e que intentan facer unha batalla política, na que eles son os únicos perdedores”, afirma.
Deste xeito, subliña que o que persegue o Partido Popular con dita solicitude é “intentar enturbiar a xestión da Deputación”, xa que existe unha vía alternativa, “perfectamente sinalizada e acondicionada” e ademais, en canto a climatoloxía o permita, a empresa procederá á aplicación de aglomerado en quente no treito da calzada que xa está executado, e que non está afectado “pola inoperancia da Xunta”.
Porén, pídelle aos edís do PP “que se ocupen doutros asuntos e que non usen a estrada para tapar outras outras carencias e recortes dos seus compañeiros na Xunta como é o caso da praza do médico”. “Hai que ter máis dignidade política. O que non pode facer o Partido Popular é intentar lavar os trapos sucios doutras casas cando ten ben que facer na súa”, conclúe.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
