Lugo, 26 de decembro de 2014. O deputado e voceiro do BNG na Deputación de Lugo, Mario Outeiro, anunciou este venres na rolda de prensa posterior á xunta de goberno do organismo provincial a concesión de 200 bolsas para deportistas individuais da provincia de Lugo incluídas dentro da anualidade do 2014.
Outeiro explicou que por cuarto ano consecutivo se mantén a cuantía global da axuda destas bolsas en réxime de concorrencia competitiva, que ascende a 70.000 euros. “En total recibíronse máis de 300 solicitudes, das cales en función das bases publicadas obtiveron axuda 200 deportistas. O orzamento das axudas varía entre os 300 e os 900 euros”, concretou.
Nestas bolsas establecéronse catro grupos. “No grupo A, até 16 anos, hai 139 beneficiarios, que se repartirán 46.250 euros. O Grupo B, de 17 a 25 anos, conta con 54 euros e unha axuda total de 20.750 euros, mentres que no C, de 26 a 35 anos, as 4 bolsas repartiranse 1.250 euros. Finalmente, no grupo D, deportistas con capacidades diferentes e menores de 36 anos que sufriran algunha lesión durante o 2013 ou parte del, hai 3 axudas concedidas por un global de 1.750 euros”, precisou.
Mario Outeiro sinalou que se recibiron solicitudes de deportistas “dunha vintena de modalidades (tenis, tiro olímpico, tiro con arco, triatlón, pentatlón, natación, taekwondo, piragüismo, baile deportivo,…) que falan tamén da variedade de deportes practicados na provincia e os cales a Deputación, a través destas axudas, quere chegar servindo de ferramenta para a súa consolidación na provincia”, concluíu.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
