BARREIROS (FNC) .- O domingo, día 23 de agosto, ás sete da tarde, Barreiros e Foz celebrarán a terceira edición do desafío con tiro da corda no que este ano os dous loitarán con máis forza por facerse co tesouro agochado no medio da ría para rematar co empate técnico que existe tralas dúas primeiras edicións.
O alcalde de Barreiros, Alfonso Fuente, explicou que “despois do desafío feito onte no medio da ría o que vamos facer o vindeiro domingo será medir esas forzas entre Foz e Barreiros. Vamos estar os alcaldes tirando todo o que poidamos cos nosos veciños para conseguir ese desempate nesta terceira edición. Xa que despois de alzalo tesouro o primeiro ano Barreiros e o segundo Foz, a ver se este domingo conseguimos traer ós seus tiradores de corda hacia Barreiros”.
Alfonso Fuente engadiu que “dende hoxe invito a toda a xente que queira ver unha competición sana, unha competición na que miden as forzas uns tiradores, ó mesmo tempo que loitan con outros impedimentos como a forza do mar, que tamén inflúe, neste caso os 300 metros de ría que nos separan hai que vencelos tamén. Creo que incluso a pesares de ser unha competición e que todo o mundo quere gañar, penso que esa corda nos une máis que nos separa, é dicir, une a dous concellos que realizan unha actividade como unha atracción máis dentro do amplo programa cultural que se realiza no verán da costa de Lugo”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
