Nota de Prensa
O Presidente de Portos de Galicia mantivo un encontro na Confraría de Foz como continuidade da visita realizada pola Conselleira do Mar, á que non se dignou a acudir o Alcalde de Foz pese a ser convidado expresamente
O PP DA MARIÑA EMPRAZA AOS SOCIALISTAS A DAR EXEMPLO DO SEU PREDICAMENTO E LEMBRAN QUE NON CONVIDARON AO ALCALDE DO VALADOURO Á VISITA DO PRESIDENTE DA JUNTA DE ANDALUCÍA
* Os populares da comarca lembran que a presenza de Jose Manuel Barreiro neste acto ten o seu apoio en que se trata do senador máis votado de Foz, da provincia de Lugo e do conxunto de Galicia.
A Mariña, 21 de agosto de 2009.- O Partido Popular da Mariña sae ao paso das declaracións efectuadas polo dirixente socialista Jose María García Rivera coas que criticaba a visita realizada polo Presidente de Portos de Galicia á Confraría de Foz así como a prensenza neste encontro de, entre outros, Jose Manuel Barreiro Fernández. Os populares emprazan aos socialistas a dar exemplo do seu predicamento xa que, no mesmo día no que tiña lugar esta visita á confraría de Foz, o Presidente da Junta de Andalucía estaba no concello do Valadouro sen que nin fora informado o Alcalde desta localidade, nin tivera lugar ningún tipo de invitación para manter un encontro, nin tan sequera existira ningún tipo de comunicación por cortesía institucional. En definitiva, os socialistas veñen a criticar o que eles mesmos fan, co agravante de que, a visita de Álvarez-Campagna xa estaba prevista con anterioridade.
Neste senso desde o PP aclaran que o a visita do Presidente de Portos de Galicia tiña continuidade respecto da realizada no seu día pola Conselleira de Pesca, Rosa Quintana e xa foi anunciada con ocasión desta primeiro encontro. Cabe subliñar que é posible que o señor García Rivera non se percatarse desta eventualidade xa que, malia que o Alcalde de Foz foi convidado non acudiu declinando a súa invitación a favor doutro concelleiro, dando mostras da súa falta de talante e respecto institucional.
Finalmente os populares defenden a presenza de Jose Manuel Barreiro na súa calidade de senador pola provincia de Lugo e de persoa, implicada e comprometida con esta comarca. Lembran tamén que Barreiro é o senador máis votado polos veciños de Foz, de todo Lugo, e o que maior apoio electoral acadou no conxunto de Galicia. “Razóns máis que suficientes para que poida estar representando a todos os veciños alí onde se esta a falar de asuntos de interese xeral e de fórmulas para acadar un maior progreso”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
