O portavoz do PP recoñeceu que a celebración das festas obriga a adaptar a ubicación do mercado cando ambas coinciden, pero defendeu que esa reorganización debe facerse mantendo o día habitual e trasladando os postos á zona de Malates, como, segundo lembrou, se viña facendo durante os gobernos do Partido Popular
Foz, 17 de xullo de 2026. O Partido Popular de Foz denunciou hoxe o que cualifica como un novo exemplo da “mala xestión” do goberno municipal na organización do mercado semanal durante as festas. O portavoz popular, Javier Castiñeira, lamentou os problemas rexistrados este venres e asegurou que a situación provocou importantes prexuízos tanto para comerciantes como para os usuarios.
Castiñeira afirmou que “esperemos que sirva de escarmento esta nova mala experiencia” e criticou que “volvemos a denunciar o desastre na xestión dos mercados en épocas de festas”.
O portavoz do PP recoñeceu que a celebración das festas obriga a adaptar a ubicación do mercado cando ambas coinciden, pero defendeu que esa reorganización debe facerse mantendo o día habitual e trasladando os postos á zona de Malates, como, segundo lembrou, se viña facendo durante os gobernos do Partido Popular.
“Todos entendemos que hai unha prioridade para as festas se coinciden no medio da semana, pero esa alternativa sempre a defendeu o Partido Popular e así a fixemos cando estivemos no goberno: facelo os propios martes, pero na zona de Malates, sempre a zona substitutoria”, sinalou.
Na súa opinión, o cambio do mercado ao venres foi un erro que xerou confusión entre vendedores e clientes. “Cambialo ao venres, como se cambiou novamente, foi enganar os propios comerciantes e os veciños usuarios do mercado, porque atopáronse con que non estaba todo listo despois do día grande das festas do Carme”, manifestou.
Segundo explicou, á primeira hora da mañá o recinto presentaba un estado que cualificou de “lamentable”, con restos do botellón da noite anterior e parte das atraccións aínda sen retirar, o que, ao seu xuízo, provocou importantes dificultades para a instalación dos postos.
“O caos á primeira hora foi tremendo. Estamos a xogar cos negocios de moita xente que, ademais, confía en Foz como un sitio importante para instalar os mercados”, advertiu.
Por este motivo, o PP reclama que o Concello recupere o sistema empregado noutras ocasións e manteña o mercado no seu día habitual, trasladándoo á zona de Malates cando coincida coa celebración das festas.
“Esa é a solución lóxica e normal de sempre, que parece que este señor alcalde non ve”, afirmou Castiñeira, quen engadiu que “o día de mercado que lle toca a Foz é o martes; se non, estariamos facendo un mercado calquera outro día que non é o correspondente e crearíamos máis caos”.
Para rematar, o portavoz popular pediu ao goberno local que tome nota do sucedido para evitar que a situación se repita no futuro.
“Espero que nos escoite, porque o caos foi tremendo. Houbo unha falta absoluta de organización e de limpeza, perdéronse horas de traballo e o mercado mostrou unha desorganización absoluta do equipo de goberno”, concluíu Javier Castiñeira.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
