As e os socialistas esixen ao PP que aclare se os dispositivos están operativos, rexistrados no 061 e accesibles para a cidadanía
Abadín, 20 de xullo de 2026. O PSdeG de Abadín reclamou hoxe ao Goberno local do Partido Popular que revise de maneira inmediata os desfibriladores municipais, ante a información recollida polo Grupo Municipal Socialista que apunta a que actualmente non están operativos.
O voceiro socialista, Pablo Díaz, explicou que o Concello adquiriu hai arredor de cinco anos un desfibrilador por preto de 2.500 euros que, segundo a información obtida polo PSdeG, nunca chegou a utilizarse e está sen batería. Ademais, advertiu de que o outro dispositivo, cedido pola Deputación de Lugo e situado no albergue de Gontán, ten os eléctrodos caducados.
As e os socialistas sinalan que tampouco lles consta que estes dispositivos estean dados de alta no Rexistro Galego de Desfibriladores Externos do 061 nin que se garanta o acceso á cidadanía. Por iso, reclaman ao rexedor que informe publicamente sobre o seu estado, as revisións realizadas, a data do último mantemento e as condicións de acceso e utilización.
“Rancaño coñece esta situación e non pode seguir mirando para outro lado. Se existe algún problema coas baterías, cos eléctrodos ou coa súa inscrición, debe resolverse de inmediato. Nunha emerxencia, cada minuto conta”, incidiu Díaz.
Dende o PSdeG esixen ao goberno local do PP unha revisión técnica urxente dos desfibriladores, a substitución de todos os elementos caducados ou deteriorados e a publicación da documentación que acredite que están operativos e correctamente rexistrados.
“O Partido Popular ten que deixar de actuar só cando a oposición denuncia os problemas. O alcalde está para gobernar, anticiparse e cumprir coas súas obrigas, especialmente cando está en xogo a seguridade da veciñanza”, concluíu Pablo Díaz.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
