Burela, 20 de xaneiro de 2015. Burela acolleu este luns unha reunión entre membros do goberno municipal e responsables das asociacións e colectivos organizadores do Entroido 2015 na vila. Tras o acto, tanto a concelleira de Cultura, Mónica Pedre, coma o rexedor municipal, José María González Barcia, destacaron a boa marcha do asociacionismo na organización deste evento e adiantaron que o Concello será agora quen envíe ás asociacións un borrador do programa de actos para o Entroido 2015. Dito borrador deberá ser aprobado nunha vindeira reunión que se celebrará, case con total seguridade, o 2 de febreiro. Aínda que o programa de actos será moi semellante ao do ano pasado, dende o Concello adiantaron que como novidade este ano haberá un baile de disfraces con orquestra, que se levará a cabo o 16 de febreiro, e que contará coa participación da Asociación de Comerciantes, Industriais e Autónomos de Burela.
A concelleira de Cultura de Burela, Mónica Pedre, explicou que “á reunión de onte asistiron bastantes asociacións, co cal consideramos que isto xa ten unha importancia relevante porque se ve que hai interese do asociacionismo en Burela en manter e potenciar todo o posible a festa do Entroido. En principio, o que se fixo foi establecer unha primeira aproximación ao que será o programa. O máis seguro é que o luns 16 se inclúa unha actividade nova que sería un baile de disfraces con orquestra que vai incluír a ACIA e o resto do programa sería moi similar ao do ano pasado”. A edil popular dixo: “vanse a manter os premios e nos próximos días seralles remitido a tódalas asociacións o borrador do programa xa cos horarios, para que elas mesmas acaben de concretalo. Probablemente, para o día 2 de febreiro fagamos unha segunda reunión xa para concretar e pechar definitivamente o programa de actos do Entroido de Burela, que comezaría o venres día 13”.
O alcalde, José María González Barcia, agradeceu “profundamente toda esta asistencia e colaboración a todas as persoas que onte asistiron á reunión e a todos os colectivos que estaban presentes. Creo que é un bo síntoma de que hai sintonía entre os colectivos e o Concello para poder organizar eventos que dinamicen a nosa vila, o noso tecido socioeconómico e o noso tecido asociativo, e nese sentido eu fago un chamamento a aquelas persoas, ben a título individual, ou ben a título colectivo, que queiran participar de forma activa tanto na organización como na colaboración cos distintos eventos para este Entroido 2015. Van ter oportunidade para facelo, xa que 2 de febreiro, case con toda a seguridade, manteremos unha segunda reunión para concretar o programa. Por tanto, eu coma alcalde deste Concello teño que recoñecer publicamente o traballo que fan os colectivos e as persoas neles integradas para poder participar de forma activa na organización e colaboración deste evento, e só quero reiterar unha vez máis o meu agradecemento e agardar que o Entroido 2015 non desmereza para nada ao que se merece o noso Concello”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
