Lugo, 21 de xaneiro de 2015.- Alumnos e titulados da Escola de Imaxe e Son de Lugo (EIS) da Fundación TIC concorren con cinco traballos audiovisuais á 13ª edición dos premios Mestre Mateo. Trátase da serie web “Haters”, do documental “Escamas, Sangue”, a curtametraxe “Action Painting”, e dous videocplis de grupos lucenses, “Máscaras” de Zootropa, e “Arrepentido”,de Moondogs Blues.
A Academia Galega do Audiovisual vén de publicar a listaxe definitiva de candidatos, na que figuran as cinco producións coas que colabora a Fundación TIC, a través do seu alumnado e prestando apoio técnico aos equipos dos que forman parte realizadores e produtores titulados pola EIS.
Haters na rede
Unha vintena de alumnos e titulados da EIS rodaron en Lugo a primeira tempada da serie web “Haters”, que xa está dispoñible na rede (http://www.webseriehaters.com) “Haters” é unha comedia de situación, duns 10 minutos de duración por capítulo. O proxecto encabezado por Tania Penoucos, Miguel Barros e Luis Miguel Fernández conta co apoio técnico da TIC e asesoramento durante o seu percorrido polos principais certames do sector audiovisual. Nos vindeiros meses de abril e maio, está prevista a súa participación no Carballo InterPlay e no Festival de Cans.
A TIC cos músicos lucenses
Os traballos que optan ó mellor videoclip estreado en 2014 foron rodados por alumnos da EIS cunha dobre finalidade, para complementar a formación que reciben de cara a súa futura inserción laboral e como apoio á promoción das carreiras dos músicos lucenses.
O vídeo da canción “Máscara” de Zootropa foi gravado en cinco escenarios, no Hospital de San José, no parque Rosalía de Castro, nos Xulgados, no barrio de Catasol e nunha cafetería do casco histórico. O grupo Moondogs Blues elixiu o anfiteatro do campus universitario e as oficinas de Telelugo para o clip de “Arrepentido”.
Documental e curtametraxe
O candidato ó mellor documental “Escamas, Sangue” está producido e dirixido por Breixo Llano e Adrián Canoura titulados e actual alumno da EIS, coa asistencia técnica da TIC. Narra o acontecido hai 20 anos, en Burela, arredor da coñecida como “guerra do bonito”. O traballo inclúe imaxes de arquivo e entrevistas a protagonistas e testemuñas dos feitos.
A ficha técnica da curtametraxe “Action Painting” está integrada tamén por titulados do único centro público de ensino audiovisual da provincia, e foi rodada integramente na capital lucense. A súa duración é de 28 minutos, cun custe cero. A ilusión e profesionalidade dos integrantes do equipo e colaboradores foi a súa fonte de financiamento.
As producións lucenses que contan co respaldo da TIC compiten cun total de 111 obras presentadas este ano aos Mestre Mateo. A Academia Galega do Audiovisual dará a coñecer o vindeiro mes de marzo os finalistas de cada categoría.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
