Foz, 22 de xaneiro de 2015.- O Concello de Foz saldou esta semana a débeda cos bancos, o que permite dedicar 165.000 euros para poñer en marcha actuacións municipais que se decidirán nun próximo pleno da corporación.
O alcalde focense, Javier Jorge Castiñeira, anunciou hoxe “unha boa nova, pois esta semana quedaron resoltas as débedas bancarias cos bancos acredores do Concello de Foz, que saldou esa débeda que tiña pendente. Polo tanto o Concello de Foz queda a cero na débeda bancaria. É un caso insólito nun concello como o de Foz, que iniciou este mandato con problemas económicos. Dende logo isto é proba da boa xestión que fixo este goberno durante estes catro anos, que ademais pagou aos provedores todas as débedas que había, incluso do 2010, un ano anterior á entrada deste goberno; ten saldada esa débeda cos provedores, de máis de 1.500.000 euros, que quedaran porque a corporación non se quixo acoller ao pago a provedores e tívose que facer o esforzo nun ano. E agora o Concello ven de pagar tamén a débeda bancaria, o que mostra o estado das contas de Foz e o cambio importante que experimentaron nos últimos catro anos”.
O rexedor municipal engadiu: “congratulámonos de tomar esta decisión e tamén porque esta cantidade que se destinaba ao pago de créditos bancarios nos orzamentos, que son arredor de 165.000 euros, vaise poder dedicar a outras cousas moi importantes para o concello e que están pendentes de debater cos grupos que no seu momento permitiron que os orzamentos saíran adiante: os concelleiros non adscritos e o BNG. Polo tanto nun próximo pleno adoptarase a decisión de a que se van dedicar eses 165.000 euros. Este é o resultado da boa xestión económica deste grupo de goberno”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
