Mujeres en Igualdad Burela convoca eleccións para a súa xunta directa debido á intensa actividade que a asociación vén desenvolvendo tanto en temas sobre violencia de xénero coma en materia social. Por iso, pretenden ampliar a xunta directiva ata en 3 mulleres máis.
Algunhas das actividades que desenvolve con respecto á violencia de xénero son o acompañamento das vítimas de violencia de xénero, o asesoramento sobre medidas de protección ou prevención, as xornadas para a inserción destas mulleres na sociedade -que teñen lugar todos os xoves-, o traballo en materia de motivación persoal das propias víctimas, a organización de xornadas e seminarios de sensibilización, a integracion destas mulleres na propia asociación, como primeira medida cara á reinserción social da propia muller vítima de violencia de xénero; así coma a elaboracion de programas e propostas enfocadas á protección das vítimas de violencia de xénero e os seus familiares a cargo. Neste sentido, teñen proposto en colaboración co Concello a posta en funcionamento dunha Vivenda de Urxencia para Víctimas de Violencia de Xénero en Burela.
Pero ademias, Bumei tamén desenvolve outras actividades coma o mantemento da Despensa de Alimentos que Bumei ten en Burela e coa que abastecen ás persoas máis necesitadas de Burela do mesmo xeito que o fan co seu roupeiro, o seu Banco Bebe, o seu Banco Maiores onde ofrecen axudas técnicas, pañais de adultos, roupa, bipedestadores…etc, onde colaboran de forma moi activa a maioría das súas socias, do mesmo xeito que as mulleres que foron vcítimas de violencia de xénero e que así o desexan, como primeira toma de contacto cara á reinsercion na sociedade.
Así mesmo, Mulleres en Igualdade Burela, realiza campañas periódicas de recolleita de alimentos, participa en todas as actividades que organiza o Concello coma, por exemplo, o Entroido, e tamén colabora noutras actividades que organizan outras asociacións coma a Festa Castrexa ou organiza cursos de pintura, pilates, zumba, ioga, pádel… e calquera outra actividade que permita potenciar e favorecer o benestar da muller tanto psíquico como físico.
Non podemos esquecer que Mulleres en Igualdad Burela tamén ofertou aos centros escolares de Burela e Nois, o Programa Madrugadores para a conciliación da vida laboral e familiar dos pais.
Por todas estas actuacións, e por outras moitas, a directiva vixente neste momento en Mulleres en Igualdad Burela decidimos ampliar a mesma, que non cambiar, incorporando a un número máximo de tres mulleres máis que adquiran o compromiso firme de traballo e dedicación que todas estas actividades requiren. Para iso deberán facer chegar as súas candidaturas a esta asociación mediante correo electrónico a: bumeiburela@gmail.com ou entregando unha solicitude no propio local da asociación en: Pardo Bazán, 9 (Casa do Mar) de Burela, antes deste luns 26 de xaneiro ás 17.00 horas.
A elección das persoas que resulten elixidas de entre todas as propostas recibidas, leváease a cabo o mesmo luns 26 de xaneiro ás 17.30, mediante votación por maioría das persoas que integran actualmente a xunta directiva. O resultado seralles comunicado ás interesadas o mesmo día.
Desde Mulleres en Igualdade Burela, animan a todas as persoas interesadas neste tipo de iniciativas sociais, a presentar a súa candidatura e participar activamente nesta asociación que conta actualmente con 87 socias e un numeroso número de voluntarias.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
