Cervo, 2 de febreiro de 2015- O Concello fixo este luns balance das actuacións levadas a cabo no 2014 polo Grupo de Emerxencias Supramunicipal con base en Cervo. O edil de Seguridade Cidadá, José Ramón Soto, achegou os datos deste servizo destacando que “leva a cabo unhas tarefas fundamentais para a sociedade, de prevención, seguridade e atención de emerxencias”.
En total, o GES atendeu 799 incidencias, a maior parte delas nos seis concellos da súa competencia, como son Cervo, Burela, Xove, Foz, Valadouro e Alfoz, aínda que tamén levou a cabo algunhas actuacións noutros municipios, especialmente nos casos de emerxencias de gravidade que precisan da colaboración de diversos corpos operativos.
En canto á tipoloxía das actuacións, o 19% foron por animais soltos nas vías (157 casos); en segundo lugar o 14% foi por retirada de niños de avespa asiática (114), seguido de retirada de árbores en vía pública que supuxo o 14% das incidencias (112) e da atención en accidentes de vehículos en estradas, o 12% (98). En canto ás épocas do ano, as emerxencias concentráronse nos meses de agosto (135), febreiro (116) e setembro (103), mentres os meses de menos emerxencias foron marzo, abril, maio e xuño.
O GES leva funcionando dende o verán do 2013 pero previamente o Concello traballou para conseguir que este corpo tivese a súa sede operativa en Cervo, defendendo a necesidade de contar con el. Neste sentido, Soto agradece á Xunta de Galicia que atendese os argumentos presentados polo Concello e, ao mesmo tempo, dálle as grazas polo seu investimento para o mantemento do GES, que cubre case o 60% dos gastos de funcionamento. Desta forma, a achega do Goberno galego é “imprescindible” para que o grupo siga adiante, xunto coa do Concello, que rolda o 30%.
Este grupo está composto por 12 efectivos cunha estrutura profesionalizada e de carácter permanente que está de garda as 24 horas ao día os 365 días do ano.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
