Santiago, 2 de febreiro de 2015.- A Xunta de Galicia levará a cabo este martes un novo exercicio de adestramento, que consiste nun simulacro de emerxencia no depósito de lodos vermellos que a empresa Alcoa Europe ten construído no concello de Xove.
Este Plan de Emerxencia Exterior (PEE) elaborouse para facer fronte ás posibles incidencias que se poidan presentar nos diques do depósito de lodos vermellos xerados no proceso de produción de alúmina a partir da bauxita. O Plan é un instrumento técnico que establece a organización e os procedementos de actuación que constitúen o sistema e dispositivo de resposta fronte a calquera incidencia no depósito.
Alcoa Europe está afectada polo Real decreto 975/2009, do 12 de xuño, sobre xestión de residuos das industrias extractivas e de protección e rehabilitación do espazo afectado por actividades mineiras, e pola Instrución técnica complementaria do 8 de febreiro de 2001 para a elaboración de plans de emerxencia de diques mineiros.
Este simulacro, que aparece contemplado dentro do PEE, consistirá nun exercicio onde se activa o Plan coa participación dos diferentes grupos operativos, a empresa e as administracións públicas implicadas no caso dunha emerxencia. A realización deste exercicio permitirá mellorar a coordinación dos organismos participantes e que a poboación da zona afectada por un hipotético accidente, poda coñecer as pautas a seguir no caso de activación do Plan.
Durante este martes non soarán as sirenas de aviso á poboación e os veciños e veciñas da zona só percibirán unha maior presenza dos servizos de emerxencia e seguridade no entorno do depósito e nas proximidades da casa consistorial, onde estará instalado o Centro de Coordinación Operativa. Os veciños xa foron avisados por bando municipal e a súa actividade non se verá afectada en absoluto, polo que poderán continuar coas súa rutina.
Política de prevención
Desde a Xunta quérese destacar a importancia de apostar pola prevención, como mellor ferramenta de resposta ante as posibles emerxencias, liña na que se enmarcan os plans de emerxencia exterior elaborados polo Goberno galego.
O obxectivo deste plan é ter preparada a resposta para minimizar as consecuencias en caso de producirse un accidente que poda afectar as persoas e ao medio ambiente, establecéndose as medidas idóneas de protección a poboación, os recursos humanos e materiais necesarios para a súa aplicación e o esquema de coordinación das autoridades, organismos e servizos que podan intervir.
A realización dos simulacros permite a efectiva implantación dos plans e a súa mellora a través das experiencias obtidas no desenvolvemento dos mesmos. Por isto, a Xunta de Galicia apostou firmemente pola liña da realización deste tipo de actuacións, que se comezaron a desenvolver a finais do ano 2013, sendo o de hoxe o sétimo destas características que se desenvolve en Galicia.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
