Lugo, 12 de febreiro de 2015.- A voceira do Partido Popular na Deputación de Lugo, Elena Candia, fixo público este xoves que o presidente da institución, José Ramón Gómez Besteiro, deixou durante 2014 sen gastar en emprego máis de 5,8 millóns de euros. É dicir, do total orzamentado para emprego nos orzamentos da pasada anualidade, “esta importante contía, non se chegou nin tan sequera a comprometer”.
Os decretos de Presidencia que recollen a incorporación de remanentes de créditos para a anualidade de 2015 demostran este financiamento que recibiu a Deputación e que non chegou a comprometer, polo que agora, explica a popular, pásase para gastar en exercicios seguintes.
Así, Candia criticou este xoves que pese a dispoñer de fondos, o presidente socialista non foi quen de desenvolver as políticas de emprego o que demostra que “os parados non son unha prioridade para Besteiro”. “Estamos a falar de máis de 5,8 millóns de euros que estaban presupostados no orzamento, que poderían estar executados no 2014 e non o fixo”.
Outras áreas con remanentes de crédito
Da análise dos decretos de Presidencia nos que se aproba a incorporación de remanentes de créditos para o ano 2015, a voceira dos populares fixo referencia a outras contías de fondos que pese a estar orzamentadas no 2014, non se chegaron a gastar.
91.807 euros en promoción turística, 250.000 euros en Medio Ámbiente, máis de 163.000 en outros servizos de benestar comunitario, 10.000 en promoción cultural e a mesma contía en promoción deportiva; son algunhas das cifras que citou a popular, financiamento do que dispoñía Besteiro que se atopa ao peche do exercicio do 2014 só como retención de crédito, sen iniciar a fase de execución do gasto.
Así, Candia reprobou que na Deputación de Lugo en tempo de contención de gastos “se comprometa menos do que teñen e fagan, polo tanto, recortes innecesarios”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
