O VALADOURO .- O delegado de Deporte da Deputación, Antonio Veiga, e ao alcalde de O Valadouro, Eulogio Fernández Sampayo, asinaron un convenio regulador que rexerá as obras de instalación dun campo de fútbol-7 no recinto deportivo O Árbol. As obras de acondicionamento do espazo deportivo ascenden a 130.000 euros.
Nota de Prensa
A ÁREA DE DEPORTE DA DEPUTACIÓN SUBVENCIONARÁ A INSTALACIÓN DUN CAMPO DE FÚTBOL 7 NO VALADOURO
LUGO, 21 de agosto de 2009. O delegado da Área de Deporte, Antonio Veiga, e ao alcalde do Concello do Valadouro, Eulogio Fernández Sampayo asinaron este mércores o convenio regulador que rexerá as obras de instalación dun campo de fútbol-7 no recinto deportivo O Árbol situado no polígono industrial da vila. No acto tamén estiveron presentes o vogal e mais o secretario da Sociedade Deportiva O Valadouro, Rafael Rodríguez e Juan Fernández, respectivamente, e o voceiro do BNG, Ramón Rouco Fernández entre outras autoridades. Logo da sinatura do convenio o delegado da Área de Deporte da Deputación e mais o alcalde da localidade visitaron, acompañados polos membros do club e varios dos voceiros dos partidos políticos con representación no Concello do Valadouro, as instalacións do recinto deportivo no que se levarán a cabo as obras.
Tal e como salientou Antonio Veiga, a Deputación de Lugo, a través da Área de Deporte, subvencionará o 62% do custe total das obras de acondicionamento do espazo deportivo que ascenden a 130.000 euros. O 38% restante, un total de 50.000 euros, correrán a cargo do concello mariñao. Logo disto, o nacionalista resaltou que a instalación deste campo de fútbol-7 responde ás demandas expostas en varias ocasións pola Sociedade Deportiva Valadouro e o propio concello en prol da creación dun novo campo que lle permitise ao club dispor dun lugar no que realizar os seus adestramentos ao longo de todo o ano. Deste xeito, este novo espazo deportivo habilitarase nas inmediacións do campo municipal do Árbol situado a carón do polígono industrial da localidade. Tal e como comentou o delegado da Área de Cultura e Deporte este proxecto enmárcase na liña de colaboración aberta con todos os concellos das distintas comarcas para dotar ou mellorar as instalacións deportivas existentes ao longo da xeografía lucense.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
