BURELA (FNC) .- O delegado de Industria, Comercio e Turismo de Burela José González Legazpi ven de anunciar que o barco museo Reina del Carmen estará presente no programa Turismo Mariñeiro que está a desenvolver Turgalicia. Burela recibiu xa o protocolo para que dito proxecto sexa unha realidade.
O edil nacionalista sinala que “resulta evidente que non chega con que os recursos turísticos e culturais dun Concello existan, senón que deben valorizarse constantemente para dotalos da necesaria importancia recoñecemento e singularidade. Dende este posicionamento a Delegación de Turismo do Concello de Burela ven traballado de forma intensa e constante e así o pasado ano 2008, o barco museo Reina del Carmen recibía a súa catalogación museística por parte da Consellería de Cultura da Xunta de Galicia e recentemente formaba parte do Proxecto Fénix levado a cabo pola Sociedade Galega de Educación Ambiental. E agora que sexa tamén incluido o no interesante proxecto que esta a desenvolver Turgalicia, denominado Turismo Mariñeiro”.
González Legazpi considera que “o proxecto que está a desenvolver Turgalicia denominado Turismo mariñeiro representa unha nova forma de turismo vinculado ao coñecemento e disfrute dentro do ámbito de trascendencia mariñeira, de tal xeito que resulta positivo e interesante para o Concello de Burela, en tanto que xerará con toda seguridade novas posibilidade de turismo e condicións de coñecemento e incluso práctica do medio mariñeiro”. O concelleiro de Turismo engade que “de acordo aos recursos do noso Concello, en principio interésamos a inclusión nese proxecto do barco museo Reina del Carmen xa que reúne todas as condicións e posibilidades para integrarse dentro deste interesante programa vencellado ao mundo mariñeiro, ainda que non se descartan outras posibilidade de inclusión futuras conforme se vaia desenvolvendo este novo proxecto de Turgalicia”.
José González Legazpi suliña que “o Concello de Burela avanza, de forma significativa, na súa consecución de destino turístico dentro da comarca da Mariña, e a inclusión do barco museo Reina del Carmen no proxecto de Turgalicia denominado Turismo mariñeiro afianza estas condicións de influencia e potenciación. En definitiva dende o Concello de Burela estánse a valorizar os recursos de forma determinante e aplicando as máximas condicións de desenrolo porque son estes os parámetros que nos están dando referencias positivas e os que nos traerán sen dúbida potencialidade turística e cultural e por conseguinte desenvolvemento socioeconómico”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
