BURELA (FNC) .- A concelleira de Benestar Social, Neves Cando, diante da moción que presenta o Partido Popular de Burela no pleno de hoxe sobre a creación dun banco de datos municipal de dispoñibilidade e vivendas de aluguer para mozos e familias con ingresos reducidos, sinala que “non podemos máis que reiterar unha vez máis a nosa afirmación de que o Partido Popular de Burela non vive na realidade, non sabe o que pasa aquí en Burela porque o seu portavoz está asentado aló en Lugo ás ordes do seu partido na Deputación que lle paga por producir notas de prensa e mocións coma ésta que presentan hoxe en Burela”.
Neves Cando manifesta que “diante desta proposta só se nos ocorren tres alternativas. A primeira, que o PP de Burela non se entera de que xa hai un programa de vivenda en aluguer da Xunta de Galicia que ven funcionando dende o ano 2006 a través do cal, por un lado, se facilita o acceso das familias con maiores dificultades económicas a unha vivenda en réxime de aluguer e por outro, dinamízase e amplíase este mercado incorporando ao mesmo as vivendas baleiras. O solicitante destas vivendas, ademais de acceder a elas cunhas garantías de aluguer tamén pode solicitar unha subvención para este aluguer e pola súa parte os propietarios que se inscriben neste banco de datos da Xunta teñen garantido o pago da renda mensual dende o primeiro mes ata que se extinga o contrato, independentemente de que existan impagos por parte dos inquilinos. Ademais os propietarios teñen asistencia xurídica gratuita e tamén poden obter unha subvención para rehabilitar a súa vivenda no caso de ser necesario. Isto xa existe, xa está funcionando e o Concello de Burela xa figura no listado de concellos con recursos dispoñibles para este programa de vivenda en aluguer. Polo tanto o Partido Popular, que ao único que se adica é a criticar ao grupo de goberno e nada máis, debería estar mellor informado sobre este tema”.
A edil nacionalista engade que “a segunda consideración que se nos ocorre sobre isto é pensar, que tal vez, agora que o PP goberna na Xunta de Galicia, queira desmontar tamén este programa de vivenda en aluguer que puxo en marcha o BNG no anterior goberno da Xunta e pretende descargar este cometido nos Concellos e que se perdan así esas prestacións económicas que con este plan reciben tanto os inquilinos coma os propietarios. Se esas van ser as intencións do PP na Xunta que o digan xa para que a xente saiba quen crea proxectos de futuro e quen os desmonta. E en terceiro lugar, o único que se nos ocorre como unha reflexión final sobre este tema desta moción, dada a ignorancia que sobre as vivendas en aluguer demostra o Partido Popular de Burela é pensar que os populares quere que o Concello se convirta nunha inmobiliaria encuberta facéndolle así a competencia desleal ás que xa existen no noso pobo”.
Traballo da Axencia de Desenvolvemento Local
Neves Cando tilda de “obsesiva e enfermiza a teima que o PP ten contra o equipo de goberno de Burela sobre a política de vivenda que estamos desenvolvendo no noso pobo. De novo voltan a meter a pata e a demostrar que non se enteran ou non queren enterarse de nada. Dende a Axencia de Desenvolvemento Local do noso Concello estase dando cumprida información e asesoramento sobre todos os temas de vivenda nos que temos competencias municipais, como é o rexistro de demandantes de vivenda protexida, información e tramitación da renda de emancipación para os nosos mozos e mozas, as axudas para a compra de vivenda ou rehabilitación e por suposto, esta bolsa de aluguer tanto para inquilinos como para propietarios. Unha información que se viu complementada por unhas xornadas específicas de vivenda que se levaron a cabo a finais do ano pasado e que supuxeron unha maior demanda de información e de asesoramento”.
Mentiras e vergoña
A concelleira de Benestar Social apunta que “este descoñecemento do Partido Popular de Burela sobre éste e outros moitos temas xa non nos estranan e tampouco nos estrana que sigan sendo tan mentirosos para os veciños de Burela, porque iso é o único que saben facer. Fala a concelleira popular, Elisa Crego, unha das promotoras desta moción, de que o goberno municipal de Burela non fai nada pola vivenda, pois hai que recordarlle que foi este goberno municipal, no primeiro pleno do mes de agosto de 2007, o que fixo a cesión de terreos na unidade de actuación de Torrentes para a construcción de vivenda protexida. O Partido Popular de Burela non o fixo, ou é que xa non se acordan do que facían ou non facían cando gobernaban. E fala tamén esta mesma concelleira do proceso de reforma das Casas Baratas e neste tema sí que lle debería caer a cara de vergoña ao Partido Popular polo abandono total e absoluto que tivo con estas casas nos doce anos que gobernou Burela e a Xunta de Galicia. O retraso inxustificado nas escrituras de propiedade e o abandono sobre tódalas peticións veciñais para mellorar estas vivendas. Tivo que ser o BNG na Xunta de Galicia quen destinase case un millón de euros par arranxar estas vivendas, o que lle toca agora dicir ao Partido Popular a estes veciños das Casas Baratas e se este proxecto que xa está concluido o vai levar adiante ou tamén o vai eliminar como outros moitos temas sociais que o goberno do señor Feijóo está desmontando”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
