Membros de Veciños Independentes de Alfoz seguen a celebrar xuntanzas coa finalidade de escoitar de primeira man as demandas e necesidades dos representantes de diferentes colectivos.
Neste senso, a pasada semana realizouse unha reunión na que participaron Victoria López Rodil, Directora do CEIP Castro de Ouro e Fernanda Casabella Méndez, Presidenta da Ampa do mesmo centro, xunto cos representantes de VIA Xabier Pardiñas Suárez e Pablo Maseda Rubal, membro ó mesmo tempo do Consello Escolar do centro.
As representantes do centro defenderon tanto a calidade do cadro docente existente como o nivel acadado polos alumnos, a pesar do descenso de alumnado, mostrando gran preocupación pola perda de poboación que está sufrindo Alfoz. Ademais destacaron que o centro conta cun servizo de comedor propio de calidade utilizado actualmente por todos os alumnos.
En canto ás necesidades actuais do CEIP Castro de Ouro, tamén se comentou que as diferentes administracións deben traballar en colaboración co centro para intentar mellorar aquelas instalacións que se consideren deficitarias. Outro dos temas tratados foi a necesidade de promover un fondo de emerxencia social para aquelas familias máis necesitadas, coa intención de axudalas tanto na adquisición de libros de texto como do resto do material escolar necesario.
Á parte de apostar polo asentamento de poboación no concello, desde Veciños Independentes de Alfoz considerase que se deben realizar accións que garantan a continuidade deste centro así como dos servizos ofrecidos, mellorando aqueles que sexan deficitarios, pois a transmisión de coñecementos, costumes e valores ás novas xeracións é o primeiro paso para garantir o futuro de Alfoz.
Nas próximas semanas desde Veciños Independentes de Alfoz seguiranse desenvolvendo encontros con colectivos empresariais, veciñais e sociais co fin de recoller suxestións para poder elaborar un programa electoral no que participen de xeito activo os veciños e as veciñas de Alfoz.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
