A Alcaldesa de Viveiro, María Loureiro, solicitou un encontro co Conselleiro de Cultura, Educación e Ordenación Universitaria, Román Rodríguez González, na que tamén participará o equipo directivo do Conservatorio de Música da localidade, para abordar a transferencia deste centro á Xunta. A rexedora enviou xa por escrito en setembro do 2014 a solicitude de reunión, que reiterou en febreiro deste ano, e polo momento non recibiu contestación algunha.
Ademais de destacar que a maior parte dos conservatorios de Galicia dependen da Xunta, a rexedora subliña “a importancia cultural e educativa” do centro viveirense, convertido nun referente na comarca mariñana, pois conta con numerosos alumnos tanto de Viveiro como de concellos limítrofes, e as súas actividades acadan sempre unha gran acollida.
Ademais da formación propia, o Conservatorio está a ofrecer distintos cursos gratuítos, de un mes de duración, cos que se pretende achegar a música aos cidadáns. Deste xeito, impártese un curso de iniciación para adultos, cursos para nenos de entre 7 e 14 anos de trombón, trompeta, trompa, tuba, clarinete, gaita e frauta, e un curso de iniciación á música para nenos nacidos en 2008. As 26 prazas desta última actividade cubríronse o mesmo día da apertura da inscrición, polo que se decidiu ampliar a capacidade noutras 26 prazas. Isto dá boa conta da gran aceptación das actividades do Conservatorio.
Esforzo económico para o Concello
Súmase ademais o esforzo económico que supón para o Concello manter este servizo, pois mentres os gastos, entre os correntes (luz, limpeza, mantemento…) e os de persoal, supuxeron por exemplo o pasado ano 746.339 euros, os ingresos foron de 116.538 euros, incluída a axuda anual que concede a Deputación de Lugo.
Deste xeito, a Alcaldesa considera necesario abordar a transferencia da titularidade do Conservatorio á Xunta, unha cuestión que xa se formulou en diversas ocasións e que nunca chegou a materializarse. Loureiro espera que o Conselleiro convoque canto antes a reunión que xa lle solicitou hai 7 meses para tratar este asunto, así como o desbloqueo do Plan Xeral de Ordenación Municipal (PXOM), pendente tamén dunha xuntanza de traballo con esta mesma consellería, da que depende o organismo que mantén paralizado o documento, a Subdirección Xeral de Protección do Patrimonio Cultural.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
