Bernardo Fraga, asegura “Co goberno do BNG, Viveiro terá PXOM no vindeiro mandato”

Viveiro, 14 de maio de 2015.- Viveiro, 14 de maio de 2015. O BNG de Viveiro, presentou este xoves pola tarde o seu programa de urbanismo. Os nacionalistas aseguran que Viveiro terá PXOM no vindeiro mandato, e son moi críticos co PSOE de Viveiro, quen en 12 anos á fronte do goberno, non foi capaz de renovar a normativa urbanística. Bernardo Fraga, destacou “una decisión valente no 2006, de suspensión de licenzas, veu acompañada dunha deixadez e abandono na xestión urbanística, o que provoca que 9 anos despois, Viveiro continúe coa normativa provisional. Esta situación, mantén en parálise o desenvolvemento de Viveiro, unha parálise, que co goberno do BNG cambiaremos, coa aprobación do PXOM”

Así mesmo, engadiron que apostarán pola rehabilitación nos cascos históricos de Viveiro, Xunqueira e Celeiro, este último en deterioro e abandono constante por parte da administración municipal.
Ademais, Bernardo Fraga engadiu “foi a presión popular a que conseguiu demoler catro dos galpóns, coa intensa campaña do BNG, unha manifestación de 300 persoas, e máis de 1300 sinaturas, conseguimos entre todas e todos abrir un pouco Viveiro ao mar, non foi a xestión socialista”

“Seguiremos traballando para que Viveiro esté completamente aberto ao mar, coa demolición dos galpóns, a reforma integral do muelle vello, a retirada do valado do porto deportivo e a eliminación das casetas destinadas á Garda Civil.