NOTA DE PRENSA
Os populares creen que os dirixentes do BNG na comarca non se enteiran e pretenden enganar aos veciños nun exercicio de hipocrisía política e manipulaicón sen precedentes
O BNG DEFENDÍA NO SEU PROGRAMA ELECTORAL A ÁREA SANITARIA ÚNICA COMO NOVO MODELO ORGANIZATIVO DO SISTEMA PÚBLICO DE SAÚDE
· O PPdeG empraza á lectura da páxina 25 do programa electoral co que os nacionalistas concorreron ás pasadas eleccións autonómicas onde defenden este modelo organizativo de xestión integrada.
· Os populares convocarán unha rolda de prensa de xeito inminente para explicar e solucionar as dúbidas que existen respecto desta cuestión pero aclaran que “unha forza política residual como o BNG non marca os nosos tempos”.
· O PP comarcal ratifica un por un cada un dos compromisos electorais adquiridos coa comarca e, de xeito especial, os relativos ao Hospital da Costa, despois de catro anos nos que a caótica xestión do bipartito trouxo consigo un deterioro xeneralizado do sistema público de saúde.
A Mariña, 23 de setembro de 2009.- O Partido Popular da Mariña lucense afirma que os nacionalistas están a enganar aos veciños da nosa comarca cando falan dos prexuízos que provocaría a área de xestión integrada ou área única como novo modelo organizativo do sistema sanitario.
Os populares emprazan a todos os veciños a comprobar a páxina 25 do programa electoral co que o BNG concorreu as pasadas eleccións autonómicas no que dun xeito directo os propios nacionalistas defenden tamén este novo modelo organizativo. “Está claro que o Sr. Veiga non se enteira, nin tan sequera daquelo que forma parte dos compromisos electorais da formación política á que pertence. Xoga a crear incerteza e confusión porque se está a estudar a mellora dun sistema que eles mesmos prometían e defendían nas pasadas eleccións autonómicas. Ata que estremos chegan co seu cinismo político e reiterada manipulación”.
Os populares da Mariña deixan claro que teñen previsto dar as explicacións oportunas sobre os estudos que a Consellería de Sanidade está a realizar para mellorar o funcionamento futuro do sistema público de saúde na comarca. Neste senso xa adiantan a inminente convocatoria dunha rolda de prensa onde darán conta de todas estas cuestións e resolverán as dúbidas existentes. En todo caso aclaran que non o farán cando ao BNG lle pareza oportuno, ou a instancia dos nacionalistas. “Non ten sentido que un partido residual, cun mínimo apoio electoral –menos do 10% nas pasadas eleccións- marque a nosa folla de ruta e os nosos tempos”.
RATIFICAN OS COMPROMISOS ELECTORAIS
Desde o PP da Mariña ratifican un por un cada un dos compromisos electorais adquiridos coa comarca e, dun xeito especial, cada unha das propostas realizadas para mellorar o funcionamento do Hospital da Costa o do sistema público de saúde comarcal. Lembran que na pasada lexislatura a caótica e despreocupada xestión do bipartito, da que son responsables tanto os socialistas como os nacionalistas, deu lugar a un deterioro preocupante e continuo do sistema público de saúde e á ocultación da verdadeira natureza das listas de espera que incluso chegaron a producirse nos Centros de Saúde, médicos de familia e receitas na atención primaria. “Isto é o que o PPdeG comprometeuse a corrixir e así o fará en beneficio dos cidadáns desta comarca”
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
