A presidenta de Deputación de Lugo, Elena Candia, afirmou este sábado que o novo goberno da institución lucense ten “un pacto cos veciños desta provincia e a eles nos debemos”, polo que “temos que materializar canto antes o noso proxecto” e con este obxectivo “damos a coñecer, aos poucos días de constituírse a Corporación, o reparto de áreas de goberno”.
A presidenta da institución provincial explicou que distribuíron o equipo tras visitar aos traballadores da Deputación e despois de reunirse cos Xefes de Servizo que “nos fixeron chegar as prioridades”. Así, Candia anunciou este sábado a estrutura do goberno provincial que asume como primeiro compromiso “velar pola boa imaxe da institución e por garantir o normal funcionamento da Deputación de Lugo”.
“Parecíanos moi importante distribuír xa as áreas, dado que a provincia necesita desta institución e temos un proxecto que materializar”, reitera a presidenta da Deputación de Lugo.
Reparto de Áreas de Goberno
O deputado José Antonio García López, será o vicepresidente primeiro e o responsable da Área de Emprego e Demografía.
A deputada Mari Teijeiro, será a vicepresidenta segunda e a responsable da Área de Benestar, Igualdade e Xuventude.
José Pardo Lombao será o deputado delegado de Goberno Interior, Asistencia e Cooperación cos Concellos; Francisco Javier Balado Teijeiro será o responsable de Cultura; Jesús Carreira Ferreiro, de Xestión Territorial e José Manuel Yanes Ginzo, de Deportes.
A presidenta da Deputación Provincial fixo fincapé na creación dunha Delegación de Pesca ao tratarse “dun sector moi importante na nosa provincia, sobre o que lideramos diferentes iniciativas mentres estabamos na oposición e que, pese a non ter competencias directas, temos a obriga de atender aos intereses deste sector”. A Delegación de Pesca integrarase na Área de Economía, Recadación e Facenda, cuxas competencias serán responsabilidade de José Demetrio Salgueiro Rapa.
O deputado Manuel Jesús González Capón será o responsable de Medio Ambiente; José Ulla Rocha de Medio Rural; Ramiro Moure Ansoar de Formación, Participación Cidadá e Novas Tecnoloxías; e Juan Carlos Armesto Quiroga será o deputado delegado de Turismo, Patrimonio e Centro de Artesanía e Deseño.
Por último, a portavocía do grupo de goberno será asumida por Juan Carlos Armesto Quiroga, mentres que o vicevoceiro será José Demetrio Salgueiro Rapa.
*Imaxe do equipo de goberno da institución provincial. De esquerda a dereita, na primeira fila: o vicepresidente primeiro e deputado delegado da Área de Emprego e Demografía, José Antonio García López; a presidenta da Deputación de Lugo, Elena Candia; a vicepresidenta segunda e deputada delegada de Benestar, Igualdade e Xuventude, Mari Teijeiro; e o voceiro do goberno e delegado de Turismo, Patrimonio e responsable do Centro de Artesanía e Deseño, Juan Carlos Armesto Quiroga. Na segunda fila: o deputado delegado de Deportes, José Manuel Yanes Ginzo; o deputado delegado de Medio Rural, José Ulla Rocha; o vicevoceiro e deputado delegado de Pesca, Economía, Recadación e Facenda, Demetrio Salgueiro e o deputado delegado de Goberno Interior e Asistencia e Cooperación cos Concellos, José Pardo Lombao. E, na terceira fila: o deputado delegado de Formación, Participación Cidadá e Novas Tecnoloxías, Ramiro Moure; o deputado delegado de Xestión Territorial, Jesús Carreira Ferreiro e o deputado delegado de Medio Ambiente, Manuel Jesús González Capón. Francisco Javier Balado Teijeiro, deputado delegado de Cultura, non puido asistir á presentación.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
