Lugo, 29 de xuño de 2015.- O subdelegado do Goberno en Lugo, Ramón Carballo, e o alcalde de Foz, Javier Jorge Castiñeira, copresidiron este luns a reunión ordinaria da xunta local de seguridade do municipio na que, entroutros asuntos, se abordaron os dispositivos que os corpos policiais porán en marcha durante os meses de verán, especialmente na zona dos areais e durante a celebración de eventos festivos, como é o caso das festas patronais de San Lourenzo, as do Carme ou o Festival do Emigrante de Vilaronte.
Aínda que o Concello irá deseñando os respectivos dispositivos de seguridade, atendendo á súa competencia, nesta xuntanza adiantouse que os efectivos de Policía Local intensificarán a súa labor para evitar incidentes no transcurso das distintas celebracións, e nas zonas e momentos de máis aglomeración de xente. A Garda Civil, pola súa banda, comprometeuse a traballar conxuntamente cos efectivos locais nas tarefas de vixilancia preventiva e de control da orde pública, así como de control do tráfico.
O traballo conxunto e coordinado dos corpos policiais con presenza en Foz favorecerá unha atención máis áxil e eficaz aos propios veciños e tamén aos visitantes que se achegan ou instalan na localidade durante a época estival, multiplicando a súa poboación.
SITUACIÓN DELINCUENCIAL
Os integrantes da xunta local de seguridade analizaron tamén, como é habitual, a situación da delincuencia no municipio. Así, atendendo aos datos correspondentes aos cinco primeiros meses do ano, os delitos mantéñense nos mesmos niveis do ano pasado en Foz, logo da reducción que se viña notando de xeito constante dende o ano 2012.
Nas estatísticas deste ano aprézase un descenso acusado nos delitos contra as persoas, mentras que soben lixeiramente os delitos contra o patrimonio, unha tipoloxía na que se inclúen os roubos, os furtos e as estafas, principalmente. Se ben, segundo se espuxo na xunta, pese a esa lixeira suba segue a tratarse de cifras “relativamente baixas”, cunha media de 6 delitos deste tipo por mes no que vai de ano. Na xuntanza recoñeceuse ademais o “bo traballo” levado a cabo polos efectivos dos distintos corpos policiais con presenza no municipio e destacouse o alto grao de eficacia acadado no esclarecemento dos delitos.
Nesta xuntanza participaron, ademais do subdelegado e o alcalde focense, representantes da Garda Civil, a Unidade de Tráfico, a Policía Autonómica e a Policía Local, entre outros.
COMISIÓN LOCAL DE SEGURIDADE EN XOVE
Logo da xuntanza de Foz, o subdelegado do Goberno desprazouse ata Xove onde, xunto ao alcalde, Demetrio Salgueiro, copresidiu a reunión da comisión local de seguridade (órgano similar á xunta local de seguridade, que pode constituirse nos municipios onde non existe Corpo de Policía Local).
Nesta xuntanza acordouse a colaboración da Garda Civil co Concello para garantir a seguridade nas celebracións do verán, especialmente nas festas patronais, e analizouse a situación da delincuencia no municipio. Neste senso, e segundo os datos oficiais, Xove rexistrou un descenso da delincuencia no que vai de ano, baixando tanto os delitos contra o patrimonio como os delitos contra as persoas. De feito, nestes meses non se denunciou no concello mariñano ningún feito delictivo desta última tipoloxía.
PLAN SEGURIDADE ESCOLAR
Nas xuntanzas deste luns, o subdelegado do Goberno informou tamén do traballo realizado polas Forzas e Corpos de Seguridade do Estado con algúns dos colectivos especialmente vulnerables, como é o caso dos maiores ou os escolares. Ramón Carballo referiuse así ao Plan director para a convivencia e mellora da seguridade nos centros educativos e as súas contornas. A Secretaría de Estado de Seguridade puxo en marcha dito plan no ano 2013 co obxectivo de informar a alumnado, profesorado e Anpas sobre temas como o acoso escolar, o consumo de alcohol e drogas, a violencia de xénero ou os riscos do uso inaxeitado de internet e as redes sociais.
Ao longo do curso que acaba de rematar, os axentes das Forzas e Corpos de Seguridade do Estado, coa colaboración da responsable da Unidade contra a violencia sobre a muller da Subdelegación do Goberno, impartiron un total de 13 charlas en centros educativos de Foz, e 4 en Xove.
No curso anterior, do 2013-2014, impartíranse 19 charlas en centros de Foz e 7 en Xove. Nese mesmo período, en toda a provincia beneficiáranse do plan 70 centros e ao redor de 14.500 persoas.
Os centros ou asociación interesadas poden solicitar a realización deste tipo de sesións formativas.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
