Santiago, 20 de xullo de 2015.- O presidente da Xunta, Alberto Núñez Feijóo, garantiu este luns a disposición do Goberno galego para afondar na colaboración coa Deputación de Lugo na mellora dos servizos públicos e en sectores estratéxicos como o primario, as TIC e o turismo.
Durante unha xuntanza mantida na tarde deste luns coa presidenta da deputación, Elena Candia, Feijóo lembrou que Lugo é a provincia na que a Xunta máis inviste en servizos sociais: cun 54,20% máis de beneficiarios do servizo de Axuda no Fogar, un 36% máis de prazas para maiores e un incremento do 46% en prazas de garderías públicas. E asegurou que o Executivo autonómico seguirá traballando neste eido, “aplicando o Plan de Dinamización que temos en marcha para minimizar no que sexa posible o problema demográfico; e reforzando a coordinación na planificación das infraestruturas sociais que tanto a Xunta como a Deputación poñamos en marcha”.
Ambos os dous mandatarios coincidiron tamén na necesidade de seguir facendo especial fincapé nas persoas que máis están tardando en notar os efectos da recuperación económica que se inicia. E, nesta liña, o titular da Xunta trasladou á Elena Candia o interese da Xunta de levar a cabo o Plan de Loita contra a Desigualdade Económica de forma coordinada, “para que os lucenses, con fondos da deputación e da Xunta poidan ter un plan mellor dotado”.
Conscientes de que a coordinación entre todos é a mellor forma de prestar o mellor servizo aos cidadáns que menos teñen, Feijóo incidiu en que “os fondos da Xunta están garantidos e o obxectivo é establecer un criterio para ver se somos capaces de, no outono, finalizar un plan de loita contra a desigualdade económica dotado e cofinanciado pola Administración Autonómica, a Administración provincial e a Administración Local. Gustaríanos facer un único fondo de xestión nese plan”.
Medidas para o sector lácteo
Durante a súa intervención, Feijóo aseverou que o sector primario ocupou unha parte importante da conversa mantida coa presidenta de Deputación de Lugo. “Falamos do sector lácteo e deille conta tanto das decisións que tomamos nos últimos anos, como as que queremos poñer en marcha”, dixo.
Sobre este último aspecto, o responsable do Executivo galego anticipou á presidenta da deputación a decisión de axilizar os fondos da PAC, “que será unha inxección de forma inmediata de 20 millóns de euros”; de establecer convenios coas entidades financeiras para que haxa préstamos máis vantaxosos para o sector lácteo; da posta a disposición do rural de 500 millóns ata 2020 ao abeiro do Plan de Desenvolvemento Rural; do fomento do consumo de leite con calidade diferenciada e de establecer un Plan estratéxico para o sector.
Así mesmo, destacou o compromiso de investir 148 millóns de euros no sector lácteo neste 2015: “A maioría dese diñeiro –explicou- está desembolsado ou en tramitación e, ao final de ano totalizaremos aproximadamente 150 millóns dedicados exclusivamente ao sector”.
Tanto o titular da Xunta como Candia consideraron ademais preciso reforzar a colaboración no que se refire ao impulso dos proxectos do sector primario, tanto no sector agrario como no marítimo, a través dunha interlocución máis intensa co instituto de promoción económica da Deputación, o Inludes. “E, tamén analizamos a próxima reedición do Plan de mellora dos camiños rurais, que xa supuxo unha inxección de 7 millóns entre 2014 e 2015, e que renovaremos para o período 2016-2017 pola súa importancia na ampliación na mellora e no mantemento dos camiños rurais.
Afondar na colaboración no eido das novas tecnoloxías e no turismo
Xunta e Deputación seguirán tamén afondando na colaboración no eido das novas tecnoloxías. E, neste apartado, Feijóo referiuse á plataforma de interoperabilidade Pasaxe, que busca que paulatinamente os datos e os documentos que operan en poder da Xunta poidan ser accesibles polas administracións locais, e viceversa, para que os cidadáns non teñan que estar entregando os mesmos papeis nos distintos trámites coas administracións.
No tocante ao sector turístico e en relación aos Camiños do Norte -recentemente declarados Patrimonio Mundial-, Feijóo trasladou á presidenta as medidas aprobadas desde a Xunta, tanto para adecuar as rutas, reforzar a oferta de albergues e mellorar os servizos aos peregrinos, como para incrementar a coordinación con outras administracións, incluída a Deputación de Lugo. “E tamén coincidimos na necesidade de seguir da man para lograr que a Ribeira Sacra sexa declarada Patrimonio da Humanidade”, engadiu, por outra banda.
Dúas infraestruturas que vertebran a provincia de norte a sur
En materia de comunicacións, Feijóo referiuse ás dúas infraestruturas que vertebran a provincia de norte a sur: “A vía de alta capacidade, o corredor entre Lugo-Sarria, xa finalizado, e agora Sarria-Monforte, co obxectivo de finalizado a finais de 2015 ou nos primeiros meses de 2016. E o eixo Celeiro-San Cibrao cuxo obxectivo é finalizalo en 2016”.
O responsable autonómico incidiu en que a interlocución coas deputacións é fundamental, especialmente pola importancia que o seu labor ten para os concellos máis pequenos. E, neste senso, ambos os dous mandatarios consideraron que o protocolo asinado en 2012,-entre a Xunta e as catro deputacións, para reforzar a coordinación é unha boa base para poder seguir colaborando e para seguir traballando polos cidadáns de xeito máis eficiente e con menores duplicidades.
A este respecto, o titular da Xunta trasladou o interese do Goberno galego de que no mes de setembro “poidamos reunir á comisión de seguimento dese protocolo para poder determinar ámbitos prioritarios e un calendario de actuacións concretas”.
“En definitiva, unha colaboración no ámbito social, no sector primario, das tecnoloxías, no ámbito do turismo e das infraestruturas”, dixo a modo de resumo, agradecendo o interese da Deputación de Lugo “para traballar conxuntamente, buscando tamén esa discriminación positiva que imos seguir mantendo coa provincia, tanto nos plans industriais como nos prezos do solo, co Plan Impulsa e co polo aeronáutico de Rozas”.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
