Ribadeo, 30 de xullo de 2015.- O alcalde, Fernando Suárez, asegura que xa hai días lle esixiu á empresa que fixo a obra do parque infantil de San Francisco arranxar as deficiencias detectadas. E engade que moitas das normas nas que se basea o informe presentado polo PSOE non son de obrigado cumprimento, senón que se trata de recomendacións.
O rexedor manifestou: “a respecto deste informe que presenta o PSOE sobre o estado do parque, deste informe privado emitido por unha empresa privada, dicir que non é nada novo baixo o sol, de feito hai xa días lle esiximos á empresa que fixo o parque para que arranxe determinadas deficiencias que se encontraron unha vez recibida a obra no que ten que ver con vicios ocultos”.
Suárez Barcia indicou que “con todo algunhas deficiencias que sinalan se estudarán pola dirección de obra, de feito xa din instrucións para que o director de obra informe sobre o contido deste escrito presentado por rexistro no día de onte. E aínda que moitas das normas sobre as que se basean non son de obrigado cumprimento, son recomendacións, en todo caso nós queremos, que sempre que sexan algo positivo que redunde na calidade do servizo, telas en conta”.
O alcalde agradeceu moito “o posicionamento que o representante do PSOE ten sobre esta circunstancia, que politicamente espero que este sexa o símbolo desta oposición construtiva que vai facer nos vindeiros catro anos, porque sempre que redunde no benestar de todos os veciños se terá en conta”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
