Ribadeo, 31 de xullo de 2015.- O grupo municipal do PSdeG- PSOE de Ribadeo non pode mais que amosar a súa sorpresa polas declaracións do noso alcalde. Para empezar, se coñecía as deficiencias detectadas e tendo en conta que, como se pon de manifesto no informe presentado antonte no Concello, a súa gravidade impide a preceptiva Declaración de Conformidade, preguntámonos cómo é posible que se recibise a obra e se abrise ó público sen que a empresa adxudicataria da mesma tivera corrixido as faltas; e cómo é posible que dende o Concello non se teña informado ós veciños e veciñas dos problemas detectados e de cómo o concello ten previsto resolvelos.
Este mesmo venres vemos de solicitar no Concello toda a información sobre o expediente do parque e en especial o tocante a acta de recepción da obra, o informe de deficiencias que di o alcalde que ten e a correspondiente declaración de conformidade segun o Decreto 245/2003.
Por outra banda, queremos aclarar que as normas ás que o Sr. Alcalde se refire como “recomendacións” foron convertidas en normativa de obrigado cumprimento para a Comunidade de Galicia polo Decreto 245/2003, da Consellería de Familia, Xuventude e Voluntariado, de 24 de abril, sobre Normas de Seguridade en Parques Infantís, que ten por obxecto regular as normas mínimas de seguridade e prevención de accidentes que deben reunir os parques infantís e as áreas de xogo para a infancia, así coma os seus equipamentos e elementos de xogo.
Efectivamente, o informe presentado polo noso grupo municipal é un informe privado (pagado cos fondos propios do grupo municipal socialista) e foi feito por unha entidade privada, pero cómpre aclarar que se trata dunha entidade acreditada co Nº 244/EI368 pola Entidade Nacional de Acreditación, dependente do Ministerio de Industria, para a inspección de parques infantís, segundo se pode comprobar na web https://www.enac.es/web/enac/acreditados- (só hai tres empresas acreditadas en todo o territorio nacional).
Por iso, dende o noso grupo, pedímoslle o Sr. Alcalde que se examinen e se corrixan non só algunhas (as non conformidades que supoñen un alto risco), senón todas as deficiencias sinaladas no informe, habido conta de que as normas que se infrinxen, primeiro, como xa se dixo son de obrigado cumprimento na nosa comunidade e, segundo, por suposto que son algo positivo que redunda non só nunha mellor calidade do servizo senón, moito mais importante, nunha maior seguridade para a integridade física dos nenos e nenas que poidan usar as instalacións.
Tamén lle pedímos que se manifeste garantindo a legalidade ou non do parque, e garantindo tamén que non hai riscos para o seu uso polo nosos nenos e nenas, e, de non ser así que tome inmediatamente as medias oportunas.
Finalmente, queremos agradecerlle ó Sr. Alcalde o seu recoñecemento da nosa labor como oposición e garantirlle a él e a todos os veciños e todas as veciñas de Ribadeo que esta mostra de oposición construtiva e sinal da vontade do grupo municipal socialista de representar e poñer sempre o interese de todos e todas as ribadenses por riba de todo. Nós queremos un Ribadeo mellor para todos e todas e traballaremos arreo para conseguilo.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
