Mondoñedo, 3 de agosto de 2015.- O próximo venres día 7 de agosto inaugúrase a XXIV edición do Mercado Medieval de Mondoñedo que se celebrará ao longo de todo o fin de semana ata a noite do domingo día 9.
Mondoñedo, na provincia de Lugo, transfórmase dende hai 24 anos, nunha cidade do medievo, as rúas do casco histórico énchense de postos de artesáns e de demostración de oficios tradicionais: olaría, forxa, canteiros, ferreiros, serigrafía… así como a ambientación de personaxes con soldados, malabaristas, músicos, exhibicións de cetraría, xogos populares, etc…, onde ademais a gastronomía e as degustacións de produtos típicos da bisbarra ocupan un lugar privilexiado, culminando o sábado día 8 cunha cea medieval.
Esta iniciativa tivo tal repercusión que, ao longo das edicións, ampliou a súa extensión dun a tres días e este ano o número de postos será de 200, 60 máis que na edición anterior.
Elena Candia, alcaldesa de Mondoñedo, anunciou que impulsará a declaración do Mercado Medieval de Mondoñedo como Festa de Interese Turística Galego.
“Sesenta postos de nova incorporación e un total de 200 participantes, dan conta do interese que este evento ten, non só na localidade de Mondoñedo e en Galicia, senón a nivel interprovincial xa que cada ano aumenta o número de visitantes de comunidades veciñas como Asturias, fomentando o turismo de proximidade” declara Candia e engade “Consideramos que a Feira Internacional de Mostras de Asturias é a plataforma ideal para presentar o Mercado Medieval de Mondoñedo, dada a importancia e o gran número de visitantes que ten esta Feira”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
