Ribadeo 5 de agosto de 2015.- O presidente do PP de Ribadeo, Jesús López Penabad, instou ao rexedor a poñer en marcha un plan de promoción turística que inclúa todos os atractivos e servizos do Concello para impulsalos conxuntamente.
“Son horas de que Suárez Barcia se de conta de que o noso Concello ten outros atractivos turísticos ademais de As Catedrais”- manifestou o popular, quen citou o comercio, á restauración ou os valores patrimoniais da localidade como grandes potenciais para salientar e dar a coñecer aos visitantes.
O popular asegura que o turista, cando chega a Ribadeo, elixe a súa propia ruta, de aí que o Concello teña que elaborar un plan de promoción turística que inclúa a promoción conxunta de todos os atractivos e servizos de Ribadeo.
López Penabad acusou ao rexedor de centrar durante anos toda a promoción de Ribadeo soamente nas Catedrais e provocar que o turista identifique este Concello, fundamentalmente, con este areal.
Afirma o popular, que a Xunta de Galicia, ademais de protexer As Catedrais cun plan fundamentado en análises técnicos e científicos e baseado noutros espazos protexidos semellantes, puxo en marcha medidas para por en valor Ribadeo e o seu conxunto e lembra que o aparcamento habilitado está no propio Concello e os turistas que pernoctan nesta localidade teñen acceso directo a praia, así coma os que utilizan a liña de autobús que une Ribadeo co areal ou os que chegan no tren turístico dos faros.
Ademais fíxose unha mellora na regulación do tráfico, unha mellora na información ofrecida ao visitante dispoñendo persoal especializado, organizando rutas guiadas gratuítas… un conxunto de medidas claras, decididas e necesarias para poñer en valor o espazo que contrastan coa nula disposición do Concello a colaborar.
Un plan que está funcionando tal e como demostran as enquisas feitas aos visitantes e que ven avalada porque 3 de cada 4 persoas das 75.000 que visitaron o areal no mes de xullo traían unha reserva previa que lles permitiu desfrutar da praia en condicións de calidade. Un feito que redundou, ademais, nun incremento nas reservas dos hoteis de Ribadeo e de toda a comarca.
O popular concluíu desmentindo as declaracións verquidas estes días polo rexedor e afirmou que unha vez máis, Fernando Suárez deixa de desempeñar as súas funcións e acusa a outros para intentar ocultar a súa inoperancia.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
