Lugo, 5 de novembro de 2015.- O vicevoceiro do Grupo Provincial Popular, Carlos Armesto, asegurou que o BNG non pode falar de discriminación porque está sobre-representado na Deputación de Lugo, xa que recibe unhas achegas por asignación económica ao grupo, gastos de salario e persoal de apoio moi superiores ás que lle corresponderían polos unicamente dous deputados que ten na Corporación Provincial. “Triplica o que recibe por deputado o Grupo Popular na Deputación de Lugo”, indicou.
Armesto dixo que o PP é coherente co criterio de reparto e, neste senso, lembrou que xa en 2011 sendo o voceiro do Grupo Popular,Jose Manuel Barreiro, os populares defenderon a necesidade dun reparto de dedicacións e persoal eventual en función da representación acadada por cada grupo político. “Pero daquela non tiñamos maioría suficiente para aprobalo. Mentres que coas emendas rexistradas no último pleno celebrado o mércores, si foi posible facelo, reducindo estes custes e facéndoos máis proporcionais, acadando un aforro global, no custe político para os lucenses de 268.700,76 euros”
Armesto defende que o que non tiña sentido é que o BNG con só dous deputados manteña 9 asesores e dúas dedicacións exclusivas completas. Mentres que o PP con doce deputados dispoña de tres asesores e tres dedicacións.
Aínda así, os populares defenden que o BNG segue sobre-representado, moi beneficiado desde o punto de vista das achegas que recibe da Deputación en concepto de asignación económica aos grupos, salarios e persoal de apoio.
Sumando estes tres conceptos, os datos son os seguintes:
· O PP con 12 deputados recibe un total anual de 40.715,88 euros por deputado (488.590,56 € en total)
· O BNG con 2 deputados recibe un total anual de 103.438,23 euros por deputado (206.876,46 € en total)
· O PSOE con 11 deputados recibe un total anual de 91.778,15 euros por deputado (1.009.559,7€ en total)
Por último, desde o GPP Armesto censurou que os nacionalistas se permitan o luxo de asegurar que unha dedicación parcial de 25.000 euros é un soldo miserable polo que din que decidiron renunciar a ela, cando hai moitos, veciños, alcaldes e concelleiros da provincia que están traballando polos seus veciños por importes moi inferiores.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
